აშშ-ის პრეზიდენტის მრჩეველი უშიშროების საკითხებში რობერტ ო’ბრეინი მიიჩნევს, რომ ჩინეთის მიერ კორონავირუსის შესახებ ინფორმაციის დამალვამ, გლობალური პასუხი ეპიდემიასთან საბრძოლველად 2 თვით დააგვიანა.
მისივე თქმით, კორონავირუსი აშშ-ში არ დაწყებულა და გარკვეული დროის წინ უხანში, ჩინეთში აღმოჩნდა.
„სამწუხაროდ, იმის ნაცვლად, რომ საუკეთესო პრაქტიკის გამოყენება მომხდარიყო, აფეთქება უხანში დამალეს. ჩინეთიდან ინფორმაცია ჟღერდებოდა, რომ ექიმები, რომლებიც ღიად ცდილობდნენ საუბარს, გააჩუმეს, იზოლაციაში მოათავსეს ან კიდევ რაღაც. ასე რომ სიტყვა ვირუსი, ქვეყნიდან არ გამოდიოდა“,-განაცხადა ო’ბრეინმა.
მაღალჩინოსანი მიიჩნევს, რომ სწორედ ჩინეთის მთავრობის ქმედებები „მსოფლიოს ორი თვე დაუჯდა, რომ საპასუხო ზომები მიეღო“.
„ჩვენ შეგვეძლო დრამატულად შეგვემცირებინა ის, რაც მოხდა ჩინეთშიც და მთელ მსოფლიოში. დაიმახსოვრეთ, უხანის კორონავირუსმა გამოიწვია ეს და ის ინფორმაცია, რასაც მოგვიანებით ვიღებდით საკმარისი არ იყო, სწორედ ამან მიგვიყვანა აქ“,- დასძინა ო’ბრეინმა.
ცნობისთვის, ახალი კორონავირუსი COVID-19 ჩინეთის უხანის პროვინციაში დეკემბერში გამოვლინდა. მსოფლიო მედიამ პეკინი ინფორმაციის დამალვაში არაერთხელ დაადანაშაულა.