„სადახლოს“ საბაჟო-გამშვებ პუნქტზე სადეზინფექციო სამუშაოები ჩატარდა

საქართველოს მთავრობის უწყებათაშორისი საკოორდინაციო საბჭოს მიერ მიღებული გადაწყვეტილების შესაბამისად, კორონავირუსის პრევენციის მიზნით, აქტიურად გრძელდება შემოსავლების სამსახურის სხვადასხვა ობიექტის დამუშავება სპეციალური სითხეებით.

როგორც „ინტერპრესნიუსს“ სურსათის ეროვნული სააგენტოდან აცნობეს, ამჯერად სადეზინფექციო-პროფილაქტიკური სამუშაოები „სადახლოს“ საბაჟო გამშვებ პუნქტზე ჩატარდა. სადეზინფექციო სამუშაოების მიმდინარეობას ფინანსთა სამინისტროს შემოსავლების სამსახურის საბაჟო დეპარტამენტის უფროსის მოადგილე ელგუჯა ბერანძე და სურსათის ეროვნული სააგენტოს უფროსის მოადგილე ზურაბ ლიპარტია გაეცნენ.

„შემოსავლების სამსახურის საბაჟო დეპარტამენტი და სურსათის ეროვნული სააგენტო სადეზინფექციო სამუშაოებს შესაბამისი ტექნიკური და საკადრო რესურსით კოორდინირებულად ახორციელებენ. ავტოსატრანსპორტო საშუალებები, მოქალაქეთა მომსახურების სივრცეები და სხვადასხვა ინვენტარი ტექნიკური საშუალებების გამოყენებით, სპეციალური სითხით მუშავდება“, - ნათქვამია გავრცელებულ ინფორმაციაში.

იხილეთ ვიდეო: "სადახლოს" საბაჟო გამშვებ პუნქტზე სადეზინფექციო სამუშაოები განხორციელდა

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით