ამერიკის შეერთებული შტატების წარმომადგენელთა პალატამ პრეზიდენტ დონალდ ტრამპს ირანთან დაკავშირებით სამხედრო უფლებამოსილება შეუზღუდა. 227 ხმით 186-ის წინააღმდეგ მიღებული რეზოლუციის თანახმად, დონალდ ტრამპი ვერ შეძლებს საომარი მოქმედებების დაწყებას ირანთან, თუ მას კონგრესის თანხმობა არ ექნება.

შეგახსენებთ, აშშ-სა და ირანს შორის ვითარება განსაკუთრებით მას შემდეგ დაიძაბა, რაც 3 იანვარს, ბაღდადის აეროპორტთან, პენტაგონის მიერ განხორციელებული ოპერაციის დროს ირანელი გენერალი, ყასემ სოლეიმანი მოკლეს. აღნიშნულის შემდეგ, თეირანმა ერაყში ბაზაზე, სადაც ამერიკული სამხედროებიც იმყოფებოდნენ, სარაკეტო თავდასხმა განახორციელა. მედიაში გავრცელდა ინფორმაცია, რომ ამერიკული ჯარები მოსალოდნელი თავდასხმის შესახებ ინფორმირებულნი იყვნენ.

იხილეთ ვიდეო: წარმომადგენელთა პალატამ ირანთან მიმართებაში ტრამპის საომარი უფლებამოსილებების შეზღუდვას მხარი დაუჭირა