თინა ხიდაშელი - თუ ქვეყანაში დადგება სადეზინფექციო სამუშაოების მასობრივად ჩატარების აუცილებლობა, შესაძლოა, ეროვნული გვარდია იყოს გამოყენებული

თავდაცვის ყოფილი მინისტრის თინა ხიდაშელის განცხადებით, იმ შემთხვევაში, თუ კორონავირუსით ინფიცირების შემთხვევები გაიზრდება, სასურველი იქნება ჯანდაცვის საველე პირობებში გადასვლა.

როგორც ხიდაშელმა ტელეკომპანია „პალიტრანიუსს“ გადაცემა Newsroom-ის ეთერში განაცხადა, ხელისუფლებას კორონავირუსის პრევენციის კუთხით სწორი სტრატეგიული ხედვა გააჩნია, თუმცა „სწრაფად გადაწყვეტილებების მიღებაში შეყოვნებები აქვს“.

„ვფიქრობ, რომ სწორი სტრატეგიული ხედვა აქვთ და სწორად უდგებიან, ჩემთვის პირადად, როგორც ერთი ადამიანისთვის, გარკვეული ღონისძიებები ცოტა დაგვიანებულია, მაგალითად, შინაგან საქმეთა სამინისტროს დაავალა პრემიერმა, რომ გააკონტროლოს თვითიზოლაციის შემთხვევები, მე, მაგალითად, ამას რამდენიმე დღის წინ გავაკეთებდი, როდესაც თვითიზოლაციის ვალდებულება გაჩნდა, ნახევარი ზომების მიღება, ვფიქრობ, რომ დროში გადადებას ახდენს იმის, რისი გაკეთებაც ისედაც მოგვიწევს.

თუ არსებობს იმის საფუძველი, ვივარაუდოთ, რომ რაოდენობა შესაძლოა გაიზარდოს და ამასობაში საავადმყოფოები გვეუბნებიან, რომ თუ გაიზრდება, მათ პრობლემა შეექმნებათ, ვისურვებდი, რომ საველე პირობებში გადასულიყო ჯანდაცვა. ასეთ დროს ბევრი თვალსაზრისით ეს უფრო სწრაფი, ეფექტური და მომგებიანია. მაგრამ, ეს ის მომენტი არაა, როდესაც ხელისუფლებას ვაკრიტიკებ, უბრალოდ, ცოტათი შეყოვნებები აქვთ სწრაფად გადაწყვეტილებების მიღებაში და ფრენების გაუქმება ამის კარგი მაგალითია“,- განაცხადა ხიდაშელმა.

თინა ხიდაშელის თქმითვე, მასობრივი სადეზინფექციო სამუშაოების ჩატარებისა და საველე ჯანდაცვაზე გადასვლის შემთხვევაში, თავდაცვის ძალების გამოყენებაა შესაძლებელი.

„თუ ქვეყანაში დადგება სადეზინფექციო სამუშაოების მასობრივად ჩატარების აუცილებლობა, ვფიქრობ, ეს ის მომენტია, როდესაც ეროვნული გვარდია შესაძლებელია იყოს ამ მიზნით გამოყენებული. ისევე როგორც ბევრი სხვა მსგავსი ტიპის მასობრივი ღონისძიებებისთვის. საველე ჯანდაცვაზე როდესაც ვსაუბრობთ, აქაც თავდაცვის ძალების ქვეშ მყოფი სამედიცინო შენაერთიც შესაძლებელია, რომ სრულ მზადყოფნაში გყავდეს, იყოს მომზადებული ამ ტიპის წინააღმდეგობის გადალახვისთვის.

ჯარის გამოყვანა არ არის, რა თქმა უნდა, პირველი რიგის ამოცანა, თუმცა იმისთვის, რომ დაეხმაროს იმ უწყებებს, რომელიც ფრონტის წინა ხაზზე დგანან, ეს მნიშვნელოვანია“,- განაცხადა ხიდაშელმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება