პოლიტიკურმა გაერთიანებამ „ლელო საქართველოსთვის“ საბურთალოს რაიონული ოფისი გახსნა

პოლიტიკურმა გაერთიანებამ „ლელო საქართველოსთვის“ საბურთალოს რაიონული ოფისი გახსნა, სადაც ადგილობრივი გუნდი და ოფისის ხელმძღვანელი კახა გიორგაძე წარადგინეს.

პარტიის დამფუძნებლის, მამუკა ხაზარაძის განცხადებით, „ლელოს“ აქვს კონკრეტული გეგმა, თუ როგორ გამოიყვანონ ქვეყანა იმ მდგომარეობიდან, რომელშიც „მთავრობამ მიიყვანა“.

„საბურთალოს ოფისი მე-13-ე ოფისია. ვაგრძელებთ ოფისების გახსნას, მაგრამ მაქსიმალურად შევამცირებთ ხალხის მოწვევას და შესაბამისად, იქნება ეს იმ რეჟიმში, რომელიც ნაკლებ ზიანს მიაყენებს იმ მდგომარეობას, რა მდგომარეობაშიც ჩვენი ქვეყანა იმყოფება და არა მარტო ჩვენი ქვეყანა. მინდა პარტიის მხარდამჭერებს მადლობა გადავუხადო გვერდში დგომისთვის, იმ ენთუზიაზმისა და პროგრამებში ჩართვისთვის, რომელსაც ყოველდღიურად ვამუშავებთ. ჩვენ გვაქვს კონკრეტული გეგმა, როგორ გამოვიყვანოთ ეს ქვეყანა იმ მდგომარეობიდან, რომელშიც, სამწუხაროდ, ამ მთავრობამ მიიყვანა. გვაქვს კონკრეტული გეგმა, როგორ შევქმნათ ძლიერი ეკონომიკა. აღარ ვლაპარაკობ ისეთ პრობლემებზე, როგორც არის ბავშვთა შიმშილიანობა, მოხუცთა დაუცველება. გვაქვს პროგრამა, რომელიც ერთხელ და სამუდამოდ აღარ მოგვცემს საშუალებას ვისაუბროთ, რომ საქართველო წყლით უხვი ქვეყანაა და რომელიღაც სოფელში არაა წყალი, არ არის ნორმალური სერვისები და სამედიცინო დაწესებულებები. ეს თემები საქართველოში ერთხელ და სამუდამოდ უნდა გადაწყდეს. უნდა გავხდეთ მიზიდულობის ცენტრი ქვეყანა, უნდა გავხდეთ რეგიონში ყველაზე მაგარი ეკონომიკა. ამის შანსი გვაქვს, რესურსი არსებობს და ამის გამკეთებელი გუნდი თქვენთან ერთად არსებობს როგორც საქართველოში, ისე ემიგრაციაში“,- განაცხადა ხაზარაძემ.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული