რომან გოცირიძე - ირაკლი კობახიძეს ყოველთვის ეშლება არითმეტიკა

ირაკლი კობახიძეს ყოველთვის ეშლება არითმეტიკა, - ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ „ინტერპრესნიუსს" განუცხადა, რითაც გამოეხმაურა საპარლამენტო უმრავლესობის წევრის ირაკლი კობახიძის განცხადებას, რომ 2020 წლის არჩევნებში „ქართული ოცნება" 90-მდე მანდატს აიღებს. გოცირიძის თქმით, კობახიძე ამ განცხადებით მმართველი პარტიის მომხრეების შეგულიანებას ცდილობს, თუმცა ეს „ფუჭი ფსიქოთერაპიაა".

ირაკლი კობახიძეს ყოველთვის ეშლება არითმეტიკა. 90 მანდატი ნიშნავს, რომ „ქართული ოცნება" ოცდაათივე მაჟორიტარულ ოლქს მოიგებს? ეს ნიშნავს, რომ „ქართული ოცნება" პროპორციულ ნაწილში აიღებს 50%-ზე მეტს? 120 - ის 50% არის 60 მანდატი. ამას რომ დავუმატოთ ყველა მაჟორიტარული ოლქი, გამოდის 90 მანდატი. ანუ ირაკლი კობახიძე ამბობს, რომ მმართველი პარტია იმაზე მეტ ხმას მიიღებს, ვიდრე 2016 წლის არჩევნებზე მიიღო. ამას ხომ ყველაზე გულუბრყვილო ადამიანიც კი არ დაიჯერებს. ეს არის მხოლოდ და მხოლოდ ბაქი-ბუქი და საკუთარი მომხრეების შეგულიანება. კობახიძეს უნდა, „ქართული ოცნების" მომხრეები გაამხნევოს, მაგრამ ეს ძალიან ფუჭი ფსიქოთერაპიაა. "ქართულ ოცნებას" ვერავითარი გამამხნევებელი მოწოდება ვერ უშველის. ყველა კვლევა ადასტურებს, რომ მათი მაქსიმალური ჭერი 30%-ია,"- განაცხადა რომან გოცირიძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით