„ევროპული საქართველო“ მთავრობას მოუწოდებს, დააწესოს საგადასახადო შეღავათები, გაატაროს მკაცრი ფულად-საკრედიტო პოლიტიკა, შეამციროს ქონების და საშემოსავლო გადასახადები და აქციზი

„ევროპული საქართველო“ მთავრობას მოუწოდებს, კორონავირუსის ნეგატიური ეფექტის შესამცირებლად, სასწრაფოდ დააწესოს საგადასახადო შეღავათები, გააუქმოს ის რეგულაციები, რომელიც ზღუდავს ბიზნესს, გაატაროს მკაცრი ფულად-საკრედიტო პოლიტიკა, შეამციროს ქონების და საშემოსავლო გადასახადები, აქციზი, რაც ლარის კურსის დასტაბილურებასა და შესაბამისად, ფასების გაძვირების კონტროლში დაეხმარება ქვეყანას.

როგორც „ევროპული საქართველოს“ ლიდერი დავით ბაქრაძე აღნიშნავს, ეს ყველაფერი უნდა გაკეთდეს სასწრაფოდ და პარტია მზადაა მთავრობას, დაინტერესების შემთხვევაში, დეტალურად მიაწოდოს ინფორმაცია.

„ყველა ვხედავთ რა ხდება მსოფლიოს ეკონომიკაში. ყველა ვხედავთ რა ხდება საქართველოში, როცა თანმიმდევრულად უფასურდება ლარი, როცა უმძიმეს მდგომარეობაში აღმოჩნდა ჩვენი ტურისტული სექტორი. როცა სასტუმროების ჯავშები 90 პროცენტითაა გაუქმებული. 20 პროცენტზე მეტითაა შემცირებული ავიაგადაზიდვები. უკვე ჩანს ყველა ნიშანი იმის, რომ კორონავირუსის გავლენა საქართველოს ეკონომიკაზე იქნება მძიმე. ამ პირობებში საქართველოს ხელისუფლება მხოლოდ ლაპარაკითაა დაკავებული და ველოდებით როდის დაგვარტყამს კორონავირუსის ეკონომიკური ეფექტი. აუცილებლად მიგვაჩნია პრევენციული ზომები გატარდეს ახალვე, ვიდრე ჯერ კიდევ შეიძლება პროცესის კონტროლი და ზიანის შემცირება. რაც უფრო მალე გადავდგამთ ზიანის შემცირებისთვის ნაბიჯებს, მით უფრო მარტივად გადაიტანს ჩვენი ეკონომიკა კორონავირუსით გამოწვეულ შოკს,“ - განაცხადა დავით ბაქრაძემ.

მისივე თქმით, დღეს არ არის მავნებლური რეგულაციების დრო, შემზღუდველი რეგულაციები უნდა გაუქმდეს და ბიზნეს უნდა მიეცეს მაქსიმალურად ხელსაყრელ პირობებში მუშაობის საშუალება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით