გიგა ბოკერიას განცხადებით, კორონავირუსის გამო ეკონომიკური კრიზისის თავიდან ასაცილებლად, სწრაფი ნაბიჯების გადადგმაა საჭირო

„ევროპული საქართველოს“ ერთ-ერთი ლიდერის, გიგა ბოკერიას განცხადებით, კორონავირუსის გამო, ეკონომიკური კრიზისის თავიდან ასაცილებლად სწრაფი ნაბიჯების გადადგმაა საჭირო.

მისივე თქმით, ამ შემთხვევაში დაგვიანებამ შეიძლება უაზრობა გახადოს ნებისმიერი ნაბიჯის გადადგმა მომავალში.

„ჩვენ გვესმის ყოველთვის ივანიშვილის გუნდისგან ის, რომ გლობალური პროცესები, რეგიონალური პრობლემები, ათასი ამბავი უშლით ხელს. დიახ, ასეა ზოგჯერ, ამჯერად კი ნამდვილად ეპიდემიაა დიდი ფაქტორი ამ მყისიერი საფრთხის. მაგრამ მთავრობები ქვეყანას იმისთვის ჰყავთ, რომ ირეაგირონ ასეთ გამოწვევებზე და სწორედ ასეთ სწრაფ რეაგირებას ვთავაზობთ ჩვენ“, - განაცხადა ბოკერიამ.

ცნობისთვის, „ევროპული საქართველო“ მთავრობას მოუწოდებს, კორონავირუსის ნეგატიური ეფექტის შესამცირებლად, სასწრაფოდ დააწესოს საგადასახადო შეღავათები, გააუქმოს ის რეგულაციები, რომელიც ზღუდავს ბიზნესს, გაატაროს მკაცრი ფულად-საკრედიტო პოლიტიკა, შეამციროს ქონების და საშემოსავლო გადასახადები, აქციზი, რაც ლარის კურსის დასტაბილურებასა და შესაბამისად, ფასების გაძვირების კონტროლში დაეხმარება ქვეყანას.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით