"სამოქალაქო მოძრაობა" მზად არის ჩაერთოს კორონავირუსის პრევენციის ღონისძიებებში, რომლის აუცილებლობასაც სახელმწიფო საჭიროდ მიიჩნევს. აღნიშნულთან დაკავშირებით მოძრაობა განცხადებას ავრცელებს.
"გვინდა მადლობა გადავუხადოთ საქართველოს მედპერსონალს, სახელმწიფო ინსტიტუტებს, რომლებიც თავდაუზოგავად არიან ჩართულები ვირუსის წინააღმდეგ მიმართულ ღონისძიებებში. ბოლო დღეებმა კარგად დაგვანახა მათი პროფესიონალიზმი, რის გამოც კიდევ ერთხელ ვუხდით ჩვენს მადლობას და მივყვებით ყველა იმ რეკომენდაციას, რომელსაც ისინი კვალიფიციურად გვირჩევენ. არის საკითხები, რომლებიც პოლიტიკურ დაპირისპირებას სცდება და ამ დროს უნდა დავივიწყოთ ვინ არის პოზიცია და ვინ ოპოზიცია და ვიმოქმედოთ ქვეყნის ინტერესების შესაბამისად. მოვუწოდებთ ნებისმიერ ძალას, ნებისმიერ მოქალაქეს, ყველამ ხელი შეუწყოს სახელმწიფოს ეფექტურ მუშაობას. ჩვენი მხრიდან, "სამოქალაქო მოძრაობა", ჩვენი თითოეული წევრი, მზად არის ჩაერთოს მოხალისეობრივად იმ სამუშაოებში, რომლის განხორციელების საჭიროებასაც ჩათვლის სახელმწიფო - იქნება ეს სადეზინფექციო სამუშაოებში მონაწილეობა თუ ნებისმიერი სხვა. "სამოქალქო მოძრაობა" იცავს და თქვენც გირჩევთ მიჰყვეთ ყველა იმ რჩევასა და რეკომენდაციას, რომელსაც პროფესიონალი მედპერსონალი გვთავაზობს." - ნათქვამია განცხადებაში, რომელსაც "სამოქალაქო მოძრაობა" ავრცელებს.