შინაგან საქმეთა სამინისტროს დანაყოფებში ინტენსიური სადეზინფექციო სამუშაოები გრძელდება

საქართველოს მთავრობის უწყებათშორისი საკოორდინაციო საბჭოს მიერ მიღებული გადაწყვეტილების შესაბამისად, შინაგან საქმეთა სამინისტროს დროებითი მოთავსების უზრუნველყოფის დეპარტამენტის, დროებითი მოთავსების იზოლატორებში, დაცვის პოლიციის დეპარტამენტის ქვედანაყოფებსა და საექსპერტო კრიმინალისტიკური დეპარტამენტის ნარკოლოგიური შემოწმების კაბინეტებში კორონავირუსის პრევენციისა და პროფილაქტიკის მიზნით სადეზინფექციო სამუშაოები ჩატარდა. ამის შესახებ „ინტერპრესნიუსს“ შინაგან საქმეთა სამინისტროდან აცნობეს.

მათივე ინფორმაციით, პრევენციული ღონისძიებების ფარგლებში დასუფთავდა დროებითი მოთავსების იზოლატორის სრული შიდა და გარე პერიმეტრი, მათ შორის სპეციალური ხსნარებით დამუშავდა საკანი, სამედიცინო პუნქტი, შეხვედრების და ადმინისტრაციის სამუშაო ოთახები.

სპეციალური ხსნარებით დამუშავდა ასევე საექსპერტო კრიმინალისტიკური დეპარტამენტის ნარკოლოგიური შემოწმების სამსახურის ყველა სტრუქტურულ ერთეული. დასუფთავდა როგორც მოსაცდელი დარბაზები და ექიმ-ნარკოლოგთა ოთახები, ასევე ინვენტარი. დამუშავდა ნარკოლოგიური შემოწმების სამსახურის სამუშაო ოთახები, მოქალაქეთა მისაღები, მოსაცდელ ოთახები.

პრევენციული ღონისძიებების ფარგლებში სპეციალური ხსნარებით დამუშავდა დაცვის პოლიციის დეპარტამენტის მოქალაქეთა მომსახურების ცენტრი, და ასევე დაცვის პოლიციის დეპარტამენტის ადმინისტრაციული შენობა.

კორონავირუსის გავრცელების პრევენციისა და რისკების ეფექტიანი მართვის მიზნით სადეზინფექციო სამუშაოები უკვე ჩატარდა შინაგან საქმეთა სამინისტროს მომსახურების სააგენტოს ყველა ფილიალში , ასევე საპატრულო პოლიციის ერთიანი მიმსახურების ცენტრის სამუშაო სივრცეებში.

„რისკების ეფექტიანი მართვის მიზნით სადეზინფექციო სამუშაოები შინაგან საქმეთა სამინისტროს სხვადასხვა დანაყოფების სტრუქტურულ ერთეულბში მთელი ქვეყნის მასშტაბით რეგულარულად ჩატარდება“, - ნათქვამია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს