მამუკა ხაზარაძე აშშ-ის სახელმწიფო დეპარტამენტის ანგარიშზე - ეს არის საკმაოდ მნიშვნელოვანი დოკუმენტი, რომელიც სერიოზული გაფრთხილებაა ხელისუფლებისათვის

ეს არის საკმაოდ მნიშვნელოვანი დოკუმენტი, რომელიც სერიოზული გაფრთხილებაა ხელისუფლებისათვის - ასე გამოეხმაურა პოლიტიკური გაერთიანება ,,ლელო საქართველოსთვის’’ ლიდერი მამუკა ხაზარაძე აშშ-ის სახელმწიფო დეპარტამენტის განცხადებას.

მისი თქმით, ეს დოკუმენტი კიდევ ერთი მტკიცებულებაა, რომ „ქვეყანაში სამართალი და დამოუკიდებელი პროკურატურა არ არსებობს“.

,,განცხადებაში ძალიან მკაცრად და მკაფიოდ არის ხაზგასმული ის დარღვევები, რაც, სამწუხაროდ, ჩვენს ქვეყანაში ხდება. ნახსენებია ,,თიბისი’’ ბანკი და ჩემი, ბადრის და ავთო წერეთლის საქმეც. ეს კიდევ ერთი დადასტურებაა, რომ ქვეყანაში არ არსებობს სამართალი და დამოუკიდებელი პროკურატურა. ჩვენ ყველაფერ ამას შევცვლით, როგორც კი მოვალთ ხელისუფლებაში, რამეთუ ქვეყანა ვერ განვითარდება, თუ სამართალდამცავი ორგანოები და საერთოდ, სასამართლო სისტემა არ იქნება ძირფესვიანად გამოცვლილი და გადახალისებული. ეს არის საკმაოდ მნიშვნელოვანი დოკუმენტი, რომელიც სერიოზული გაფრთხილებაა ხელისუფლებისათვის’’, - განაცხადა მამუკა ხაზარაძემ, რომლის კომენტარსაც „ლელო საქართველოსთვის“ ავრცელებს.

ცნობისთვის, აშშ-ის სახელმწიფო დეპარტამენტმა მსოფლიოში ადამიანის უფლებათა შესახებ ანგარიში გამოაქვეყნა, სადაც ცალკე თავი ეთმობა ადამიანის უფლებებს მდგომარეობას საქართველოში.

ანგარიშში მნიშვნელოვანი ადგილი ეთმობა მართლმსაჯულების სისტემასა და "პოლიტიკურად მოტივირებულ" საქმეებს. მათ შორის მოხვდა პოლიტიკური გაერთიანება "ლელო საქართველოსთვის" ლიდერების, ,,თიბისი ბანკის’’ დამფუძნებლების, მამუკა ხაზარაძისა და ბადრი ჯაფარიძის საქმე.

ანგარიშში მოხსენიებულია „თიბისი“ ბანკის თანადამფუძნებლების - მამუკა ხაზარაძისა და ბადრი ჯაფარიძის წინააღმდეგ სისხლის სამართლის სასამართლო პროცესი, რომლებსაც ფულის გათეთრების ბრალდება წაუყენეს პროკურორებმა 2008 წლის ტრანზაქციასთან დაკავშირებით. სახელმწიფო დეპარტამენტი ეხმაურება 20 ადგილობრივი არასამთავრობო ორგანიზაციის ერთობლივ განცხადებას, რომლის მიხედვითაც ბიზნესმენების წინააღმდეგ სასამართლო „პოლიტიკურად მოტივირებულია“.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა