სოზარ სუბარის ინფორმაციით, კომპანიებთან, რომლებისგანაც საქართველომ მომავალში კორონავირუსის სამკურნალო პრეპარატი უნდა მიიღოს, მუშაობა დაწყებულია

რეგიონულ საკითხებში პრემიერ-მინისტრის მრჩევლის სოზარ სუბარის განცხადებით, შესაბამის კომპანიებთან, რომლებისგანაც საქართველომ მომავალში უნდა მიიღოს კორონავირუსის სამკურნალო პრეპარატი, მუშაობა უკვე დაწყებულია.

როგორც სუბარმა ტელეკომპანია „პალიტრანიუსის“ გადაცემაში „360 გრადუსი“ ეთერში განაცხადა, აღნიშნული პრეპარატის შექმნა დაახლოებით ერთი თვის ვადაშია ნავარაუდები.

„ამასთან დაკავშირებით საუბარი საბჭოზე არის, გარკვეული გეგმები არსებობს და დაახლოებით ისიც ვიცით, რომელი კომპანიებისგან, შეიძლება, ველოდოთ. ამ კომპანიებთან აქამდეც ძალიან მჭიდრო ურთიერთობა გვქონდა, მათ შორის C ჰეპატიტზე და მუშაობა ახლაც დაწყებულია.

C ჰეპატიტი, რომელზეც ატეხეს სრულიად უსაფუძვლო ჟივილ-ხივილი ჩვენმა ოპონენტებმა, იყო კარგი გამოცდილება, რომ მსოფლიო პანდემიას მომზადებული შევხვედროდით“,- განაცხადა სუბარმა.

კითხვაზე, მოხდება თუ არა კორონავირუსის საწინააღმდეგო პრეპარატის ოპერატიულად შეძენა საქართველოს მიერ, სუბარი ამბობს, რომ ამის იმედი აქვს.

„იმედი გვაქვს ამის, თუმცა ანტივირუსამდე მეტი ლაპარაკი და მოთხოვნაა წამლებზე. ჯერ საუბარია პრეპარატზე, რომელიც განკურნების ეფექტური საშუალებაა. დაახლოებით ერთი თვის ვადას ვარაუდობენ, თუმცა ეს დადასტურებული არაა, წინასწარ ამას ვერ ვიტყვით“,- განაცხადა სუბარმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს