რუსეთის დუმის დეპუტატი ლიბერალ-დემოკრატიული პარტიიდან სერგეი კატასონოვი ეჭვობს, რომ რუსეთის პრეზიდენტი ვლადიმერ პუტინი საფრთხეში ჩააგდო.

დეპუტატი რამდენიმე დღის წინ საფრანგეთიდან დაბრუნდა, თვითიზოლაციის პერიოდი არ გაიარა და სამსახურში გამოცხადდა, რა დროსაც დუმაში რუსეთის პრეზიდენტიც იმყოფებოდა.

რუსეთის დუმის სპიკერის გადაწყვეტილებით, კატასონოვს ორი კვირით დუმის შენობაში შესასვლელი საშვი ჩამოერთმევა, რასაც თავადაც ეთანხმება.

მისი თქმით, ვინც დუმაში მას ეკონტაქტებოდნენ - 5-7 ადამიანი, ისინიც თვითიზოლაციას ექვემდებარებიან.

პარტიის ლიდერი ვლადიმერ ჟირინოვსკი კატასონოვისთვის სადეპუტატო უფლებამოსილების ჩამორთმევის ინიციატივითაც გამოვიდა.

რუსეთის დუმის სპიკერმა ვოლოდინმა განაცხადა: „დღეს ნავთობი და გაზი არ არის ჩვენი უპირატესობა. როგორც ხედავთ ნავთობიც და გაზიც შეიძლება გაიაფდეს. ჩვენი უპირატესობა - პუტინია და ჩვენ ის უნდა დავიცვათ“.