მარინა ეზუგბაიას ინფორმაციით, კორონავირუსით ინფიცირებული 12 წლის მოზარდის ჯანმრთელობის მდგომარეობა დამაკმაყოფილებელია
ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული 12 წლის მოზარდის ჯანმრთელობის მდგომარეობა დამაკმაყოფილებელია.
როგორც ინფექციური საავადმყოფოს სამედიცინო დირექტორი აღნიშნავს, მოზარდს განსაკუთრებული ჩივილები არ აქვს.
„მოზარდის მდგომარეობა დამაკმაყოფილებელია. მასზე ჩვეულებრივად გრძელდება მეთვალყურეობა, როგორც ყველა პაციენტზე“,-განაცხადა მარინა ეზუგბაიამ.
შეგახსენებთ, რომ საქართველოში კორონავირუსით ინფიცირების 25 შემთხვევაა დადასტურებული.
