სასტუმროებისა და რესტორნების ფედერაციის დამფუძნებლის შალვა ალავერდაშვილის ინფორმაციით, კორონავირუსის გამო შექმნილი ვითარებიდან გამომდინარე, თბილისში 15-მდე სასტუმრო დროებით დაიხურა.

როგორც ალავერდაშვილმა „ინტერპრესნიუსს" განუცხადა, გარდა მარტი-აპრილის ჯავშნებისა, სასტუმროებს მაისის ჯავშნებიც უუქმდებათ.

„ამ ეტაპისთვის თბილისის მასშტაბით დროებით15-მდე სასტუმროა დახურული. მთავრობის წარმომადგენლებთან გუშინაც გვქონდა შეხვედრა. პოზიტიური შეხვედრა იყო და ველოდებით კონკრეტულ გადაწყვეტილებებს მთავრობის მხრიდან. ვართ მოლოდინის რეჟიმში",-აცხადებს ალავერდაშვილი.