გიორგი ვაშაძე - სასამართლო რეფორმის თაობაზე მემორანდუმის შექმნის მიზანი არის სანდო სასამართლო სისტემა, რომელიც სამ მნიშვნელოვან გარანტიას შექმნის

პარტია „ახალი საქართველოს“ ლიდერის, გიორგი ვაშაძის განმარტებით, სასამართლო რეფორმის თაობაზე მემორანდუმის შექმნის მიზანი არის სანდო სასამართლო სისტემა, რომელიც სამ მნიშვნელოვან გარანტიას შექმნის.

როგორც გიორგი ვაშაძემ უზენაეს სასამართლოსთან, ოპოზიციური პარტიების სხვა ლიდერებთან ერთად გამართულ პრესკონფერენციაზე განაცხადა, დღეს არის ისტორიული დღე, რადგან პირველად საქართველოში ამდენად ფართო პოლიტიკური სპექტრი შეთანხმდა მართლმსაჯულების სისტემის რეფორმაზე.

„დღეს მართლაც არის ისტორიული დღე იმიტომ, რომ პირველად საქართველოში მოხდა, რომ ამხელა პოლიტიკური სპექტრი თანხმდება მართლმსაჯულების რეფორმაზე. მიზანი არის სანდო სასამართლო სისტემა, რომელიც სამ მნიშვნელოვან გარანტიას მოგვცემს ქვეყანაში. პირველი, საქართველოს თითოეული მოქალაქე იქნება დაცული ამ ქვეყანაში და მას ვერავინ დაჩაგრავს. მეორე, რომ პოლიტიკური ანგარიშსწორებები და პოლიტიკური დევნა ერთხელ და სამუდამოდ დამთავრდება ქვეყანაში და მესამე, რაც ძალიან მნიშვნელოვანია, ინვესტორებს, ქართულ ბიზნესს ექნება გარანტია, რომ მათ შეუძლიათ შექმნან სამუშაო ადგილი, ჩადონ ინვესტიცია ქვეყანაში და მათ ვერავინ შეეხება,“- განაცხადა გიორგი ვაშაძემ.

საქართველოს უზენაესი სასამართლოს წინ, ოპოზიციური პოლიტიკური პარტიების წარმომადგენლებმა სასამართლო რეფორმის თაობაზე მემორანდუმს მოაწერეს ხელი.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით