გიგა ბოკერია - მდგომარეობა ყოველდღე მძიმდება - გლობალური, უზარმაზარი პრობლემაა, მაგრამ ქვეყნებს მთავრობები იმიტომ ჰყავს, რომ ასეთი გამოწვევის დროს იმოქმედოს

„ევროპულ საქართველოს“ ერთ-ერთი ლიდერის, გიგა ბოკერიას განცხადებით, პარტიას საქართველოს მთავრობისადმი კონკრეტული წინადადება აქვს იმისათვის, რომ ახალი კორონავირუსის შედეგად გამოწვეული პრობლემების ფონზე საშემოსავლო გადასახადი, საწვავზე აქციზი და ქონების გადასახადი დროზე დაწიონ.

„მდგომარეობა ყოველდღე მძიმდება. ეს მართლაც იშვიათი შემთხვევაა და ამის გამომწვევი მიზეზები ჩვენი მთავრობის ბრალი არ არის. გლობალური, უზარმაზარი პრობლემაა, მაგრამ ქვეყნებს მთავრობები იმიტომ ჰყავს, რომ როდესაც ასეთი გამოწვევაა, იმოქმედოს. აქ კი ძალიან მძიმე მდგომარეობა გვაქვს, იმიტომ, რომ ასეთი მთავრობა გვყავს.უკვე რამდენი დღეა მოვუწოდებთ, რომ ახლა მაინც, ამ გამწვავების დროს, ამ ძალიან მძიმე საფრთხის წინაშე გამოფხიზლდნენ და ნაბიჯები გადადგან. შეამცირონ გადასახადები, მეწარმეებს და ადამიანებს მეტი ფული დაუტოვონ, რომელიც მათ თვითონ შექმნეს, იმის მაგივრად, რომ წაართვან და მერე თავის ჭკუაზე მოიხმარონ. „ევროპულ საქართველოს“ კონკრეტული წინადადება გვაქვს და ეს ნაბიჯები დროზე გადადგან. იმედი მაქვს და ყველას აქვს იმედი, რომ ჯანმრთელობის პრობლემა, რაც ყველაზე უფრო სახიფათოა, რაღაც პერიოდში მოგვარდება, მაგრამ ზიანი, რომელიც ეკონომიკას, ანუ თითოეულ მოქალაქეს, მეწარმეს მიადგა, გაგრძელდება თუ ზომები დროზე არ მიიღეს იმ ქვეყნის მთავრობებმა, სადაც ეს პრობლემა არის. თუ სწორად გავიგე, ჩვენი მთავრობა ახლა ლაპარაკობს, რომ კიდევ ხარჯების გაზრდას აპირებს, რომ კიდევ უფრო მეტი ფული უნდა ამოიღოს ეკონომიკიდან და მერე დაუბრუნოს იმას ვინც, თავისი ჭკუით, მოსწონს“, - განაცხადა ბოკერიამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით