გიორგი  გახარია - თუ ეკონომიკის სტიმულირებისთვის დამატებითი რესურსები გახდება საჭირო, მთავრობა მიმართავს ყველას, მათ შორის პირველ რიგში ფონდ „ქართუს“

საქართველოს პრემიერ-მინისტრის, გიორგი გახარიას განცხადებით, თუ ეკონომიკის სტიმულირებისთვის დამატებითი რესურსები გახდება საჭირო, მთავრობა მიმართავს ყველას, მათ შორის ფონდ „ქართუსაც“. ამის შესახებ მთავრობის მეთაურმა ბრიფინგზე განაცხადა და აღნიშნა, რომ მოცემული მომენტისთვის, ეკონომიკის სტიმულირების გეგმის თანახმად, საჭირო რესურსი სრულად დათვლილი და მობილიზებულია სახელმწიფოს მხრიდან.

„ის რესურსი, რომელიც ახლა ჩვენ ვთქვით, ეს სრულად დათლილი და მობილიზებულია სახელმწიფოს მხრიდან. ჩვენ თუ დაგვჭირდა დამატებითი რესურსები, რა თქმა უნდა, მივმართავთ ყველას, ვინც მსგავსი დახმარებისთვის მზაობას გამოავლენს და პირველ რიგში „ქართუ“ ფონდს“, - განაცხადა გიორგი გახარიამ.

მან ასევე აღნიშნა, რომ თუ კორონავირუსით გამოწვეული კრიზისი გახანგრძლივდა, მთავრობაც შესაბამისად გააგრძელებს ანტიკრიზისულ და ეკონომიკის წამახალისებელ ღონიძიებებს. პრემიერის თქმით, მთავრობა გადასახადების შემცირებაზე ჯერ არ ფიქრობს.

„ვერავინ დღეს ზუსტად ვერ გიპასუხებთ, ეს კრიზისი გაგრძელდება 1 თვე, 2 თვე თუ სამი თვე. ჩვენ ავიღეთ საშუალო ვადა, ჩვენი პროგნოზების შესაბამისად. რა თქმა უნდა, ყველაფერს გავაკეთებთ იმისთვის, რომ ეს კრიზისი დამთავრდეს უფრო მალე და უფრო სწრაფად. თუ გაგრძელდება, რა თქმა უნდა, ჩვენი ღონისძიებებიც, ანტიკრიზისული და ეკონომიკის წამახალისებელი, გაგრძელდება. ჩვენ ნაბიჯ -ნაბიჯ, როგორც გითხარით, მივყვებით. აქ ყველაზე მნიშვნელოვანია, რომ ჩვენი ანტიკრიზისული ღონისძიებები, როგორც პანდემიასთან გამკლავების, ასევე ეკონომიკის სტიმულირების, სრულ ჰარმონიაში მოდიოდეს რეგიონთან და მეზობლებთან გლობალურადაც, რამეთუ ამას ძალზედ დიდი მნიშვნელობა აქვს, რომ ის იყოს ეფექტური,“- განაცხადა გიორგი გახარიამ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე