საკონსტიტუციო განხილვები რომ უნდა ჩატარდეს, ყველამ კარგად ვიცით. რა თქმა უნდა, ყველაფერს გავაკეთებთ იმისთვის, რომ ეს ჩატარდეს, მაგრამ ეს თუ დაემუქრება მოქალაქის ჯანმრთელობას, არ ვიცი... არ მგონია, ეს რაღაც წინააღმდეგობაში იყოს ერთმანეთთან, - ამის შესახებ პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე განაცხადა, რითაც საკონსტიტუციო ცვლილებების სახალხო განხილვის შესახებ დასმულ შეკითხვას უპასუხა.

„პოლიტიკურ პროცესს და ვირუსთან, პანდემიასთან ბრძოლას, ძალიან გთხოვთ, ნუ დავუკავშირებთ ერთმანეთს. ეს არის ორი დამოუკიდებელი, აბსოლუტურად სხვადასხვა მოვლენა. პანდემია გამოცხადდა, როგორც მსოფლიოს გლობალური გამოწვევა, რომლის ნაწილიც ვართ ჩვენ და რომელსაც ვპასუხობთ. საკონსტიტუციო განხილვები რომ უნდა ჩატარდეს, ჩვენ ყველამ კარგად ვიცით. რა თქმა უნდა, ყველაფერს გავაკეთებთ იმისთვის, რომ ეს ჩატარდეს, მაგრამ ეს თუ დაემუქრება მოქალაქის ჯანმრთელობას, არ ვიცი... არ მგონია, ეს რაღაც წინააღმდეგობაში იყოს ერთმანეთთან“, - განაცხადა გახარიამ.