გიგა ბოკერია - რაც მთავრობისგან მოვისმინე, არსებითად ვერაფერს გააუმჯობესებს და კონცეპტუალურად არასწორია

განსაკუთრებით ამ ვითარებაში ის, რაც მთავრობისგან მოვისმინე, არსებითად ვერაფერს გააუმჯობესებს და კონცეპტუალურად არასწორია, - ამის შესახებ პარტია „ევროპული საქართველოს“ერთ-ერთმა ლიდერმა გიგა ბოკერიამ ჟურნალისტებს განუცხადა, რითაც გამოეხმაურა ახალი კორონავირუსის გამო, მთავრობის მიერ ეკონომიკური სექტორისთვის დაწესებულ შეღავათებს.

როგორც ბოკერიამ აღნიშნა, ამ საკითხთან მიმართებით, პარტია “ევროპული საქართველოს“ ხედვა დიდი ხანია ცნობილია.

"ისედაც ფუნდამენტურად არასწორია, რომ „ცუდი ძიძის“ როლში იყოს მთავრობა. განსაკუთრებით ამ ვითარებაში, ჯერჯერობით, ის, რაც მთავრობისგან მოვისმინე, გარდა იმისა, რომ უფრო ადრე უნდა ჰქონოდათ რეაგირება, არსებითად ვერაფერს გააუმჯობესებს და კონცეპტუალურად არასწორია. მე მესმის, რომ ამ კონკრეტული სფეროს ხალხისთვის, შესაძლოა, ეს დროებითი შვება იყოს, მაგრამ ფუნდამენტური განსხვავებაა. ჩვენ ვეუბნებით ადამიანებს და მეწარმეებს, რომ ჩვენ გვინდა, ეს ფული დაგიტოვოთ. მთავრობა ეუბნება, რომ ჩვენ გასესხებთ ამ ფულს და მერე უნდა ჩაგვასესხოთ. ანუ, უნდათ, რომ ეს ბიზნესი მათ შეღავათებზე და მათზე იყოს დამოკიდებული ოთხი თვის შემდეგ. გადასახადების დაწევაზე კვლავ უარს აცხადებენ, საწვავზე აქციზის დაწევაზე აცხადებენ უარს, რაც აისახება ფასებზე, ადამიანებზე, ყველა ბიზნესსა და მეწარმეზე, ასევე უარს აცხადებენ საშემოსავლოს დაწევაზე“,-განაცხადა ბოკერიამ.

ბოკერიას თქმით, მთავრობის მხრიდან ფუნდამენტური მიდგომა მცდარია, რადგან გადასახადების დაწევაზე უარს ამბობენ.

„რაც შეეხება ცალკეული სფეროების გამოყოფას, კარგად მესმის, რომ ზოგიერთი სფერო განსაკუთრებით დაზიანებულია და მესმის, რომ შესაძლოა, მყისიერი ყურადღება სჭირდება, მაგრამ ზოგადად, თუ ლაპარაკია ეკონომიკის შველაზე ვინმეს გამოყოფა საქმეს არ უშველის. იმიტომ, რომ ეს ამბავი ყველას შეეხო სხვადასხვა ტემპით და სხვადასხვა დოზით. სამწუხაროდ, ფუნდამენტურად მიდგომაა მცდარი, იმიტომ, რომ გადასახადების დაწევაზე უარს ამბობენ. როგორც ჩანს, ეს მათ პოლიტიკურ დნმ-ს ეწინააღმდეგება“, - განაცხადა გიგა ბოკერიამ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე