საქართველოს მოჭადრაკეთა ნაკრების ლიდერმა ნანა ძაგნიძემ გამარჯვება ამირან გამყრელიძეს და ექიმებს მიუძღვნა

საქართველოს მოჭადრაკეთა ნაკრების ლიდერმა, ნანა ძაგნიძემ შვეიცარიის ქალაქ ლოზანაში გამართულ მსოფლიო ქალთა გრან პრის მესამე ეტაპზე 7 ქულა დააგროვა და გათამაშების გამარჯვებული გახდა, - ამის შესახებ „ინტერპრესნიუსს“ განათლების მეცნიერების, ინფრასტრუქტურისა და სპორტის სამინისტროდან აცნობეს.

მათივე ინფორმაციით, ნანა ძაგნიძემ გამარჯვება ამირან გამყრელიძესა და ექიმებს მიუძღვნა.

„ლოზანაში გამართული გრან-პრის გამარჯვებას ვუძღვნი ექიმებს, რომლებიც მსოფლიო პრობლემას ებრძვიან ჩვენს ქვეყანაში და განსაკუთრებით ადამიანს ადამიანთა შორის ბატონ ამირან გამყრელიძეს! რომელიც ყოველთვის გვერდით მედგა ჩემთვის მძიმე წუთებში. სამი კვირის წინ ჩემმა ჩინელმა კოლეგებმა მთხოვეს, ჩამეწერა მათთვის გასამხნევებელი ვიდეო კოლაჟისათვის წარმატებული სპორტსმენების თანადგომისა. მათ შეძლეს გაემარჯვათ და იმედია ჩვენც ერთად გავიმარჯვებთ!" , - დაწერა მან საკუთარ "ფეისბუქ" გვერდზე.

ნანა ძაგნიძემ მსოფლიოს უძლიერესი მოჭადრაკეებით დაკომპლექტებული ტურნირი დამაჯერებლად მოიგო.

გრან-პრი 4 ეტაპისგან შედგება და მასში მსოფლიოს 12 საუკეთესო მოჭადრაკე მონაწილეობს. იმ შემთხვევაში თუ გრან- პრის ეტაპების მიხედვით პირველ ადგილს მსოფლიოს მოქმედი ჩემპიონი, ჩინელი ჟუ ვენჟუნი დაიკავებს, მაშინ მსოფლიოს ჩემპიონის ტიტულს დაიცავს. წინააღმდეგ შემთხვევაში, ვენჟუნს მსოფლიოს ჩემპიონის ტიტულის დაცვა გრან პრის ეტაპების მიხედვით საუკეთესო შედეგის მქონე მოჭადრაკესთან მოუწევს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით