ამერიკის შეერთებული შტატების პრეზიდენტი, დონალდ ტრამპი კორონავირუსის შესახებ პრესკონფერენციას გამართავს. ამის შესახებ ტრამპმა საკუთარ "ტვიტერის" გვერდზე დაწერა.

"დღეს, 15:00 საათზე, თეთრ სახლში პრესკონფერენცია მექნება. თემა: კორონავირუსი!", - წერს "ტვიტერზე" ტრამპი.

Bloomberg-ისა და რამდენიმე უცხოური მედიასაშუალების ინფორმაციით, მოსალოდნელია, აშშ-ს პრეზიდენტმა საგანგებო მდგომარეობა გამოაცხადოს.

პრესკონფერენცია ვაშინგტონის დროით 15:00 საათზე დაიწყება.

შეგახსენებთ, ნიუ იორკში კორონავირუსის გამო საგანგებო მდგომარეობა უკვე გამოცხადდა. ასევე, დონალდ ტრამპმა ევროპიდან აშშ-ის მიმართულებით ავიარეისებზე შეზღუდვები დააწესა. ამჟამად, კორონავირუსის შემთხვევები ამერიკის 50 შტატიდან 42 მათგანშია დაფიქსირებული.