დონალდ ტრამპი - კორონავირუსის მატარებელი ნებისმიერი შეიძლება იყოს
პრეზიდენტ ტრამპის განცხადებით, ახალგაზრდა, ჯანმრთელი ამერიკელებისთვის კორონავირუსის საშიშროება "ძალიან დაბალია", მაგრამ გააფრთხილა, რომ "ნებისმიერი შეიძლება იყოს ვირუსის მატარებელი".
”მიუხედავად იმისა, რომ ახალგაზრდა და ჯანმრთელი ამერიკელების რისკები რჩება ძალიან დაბალი - წავიკითხე ბევრი რამ მის შესახებ ბოლო ორი კვირის მანძილზე - ნებისმიერი შეიძლება იყოს ვირუსის მატარებელი",-განაცხადა ტრამპმა.
მან დასძინა, რომ ასაკოვანი ამერიკელები - განსაკუთრებით ისინი, ვისაც ჯანმრთელობის პრობლემა აქვთ , განსაკუთრებულად ფრთხილად უნდა იყვნენ.
ცნობისთვის, ბოლო მონაცემებით, აშშ-ში კორონავირუსით გარდაცვლილია 41 ადამიანი. ინფიცირებულთა რაოდენობა კი 2045-ს შეადგენს.
