„ლელო“ ინტერპარტიული საბჭოს შექმნის ინიციატივით გამოდის

პოლიტიკური მოძრაობა „ლელო საქართველოსთვის“ ლიდერის, მამუკა ხაზარაძის განცხადებით, „ლელო“ ინტერპარტიული საბჭოს შექმნის ინიციატივით გამოდის. ამის შესახებ „ინტერპრესნიუსს” პარტიიდან აცნობეს.

როგორც ხაზარაძე აცხადებს, აუცილებელია შეიკრიბოს ყველა ოპოზიციური პარტია და ხელისუფლება ანტიკრიზისული მრგვალი მაგიდის გარშემო, რათა ქვეყანა მზად იყოს ყველა გამოწვევის გასამკლავებლად.

„რადგან კორონავირუსის გლობალურმა გავრცელებამ განსაკუთრებული მასშტაბი მიიღო, მთელი რიგი სახელმწიფოები მიმართავენ სხვადასხვა ზომებს პანდემიის წინააღმდეგ საბრძოლველად და საკუთარი მოქალაქეების დასაცავად, პოლიტიკური გაერთიანება „ლელო“ გამოდის ინიციატივით - შეიქმნას ინტერპარტიული საბჭო. შეიკრიბოს ყველა ოპოზიციური პარტია და ხელისუფლება ანტიკრიზისული მრგვალი მაგიდის გარშემო, რათა ქვეყანა მზად იყოს ყველა გამოწვევის გასამკლავებლად.

„ლელო" აცხადებს, რომ პანდემიის წინააღმდეგ ბრძოლა ზეპარტიული, საერთო ეროვნული საკითხია და ერთიანი ძალისხმევა სჭირდება. ამასთან, მოვუწოდებთ პოლიტიკურ ძალებს გვერდზე გადავდოთ პარტიული განსხვავებები და საზოგადოებასთან ერთად ვიყოთ სოლიდარული, მეტი ზრუნვა გამოვიჩინოთ ყველაზე დაუცველი ფენებისადმი.

საერთო საფრთხის წინაშე საზოგადოება ერთად უნდა დადგეს, როგორც არასდროს. მხოლოდ ერთად დავძლევთ საერთო განსაცდელს. დღეს თითოეული მოქალაქის უსაფრთხოება და ამ რთული გამოწვევის გამკლავება უნდა იყოს ყველა პასუხისმგებლიანი პოლიტიკური სუბიექტის თუ პოლიტიკოსის უპირველესი ამოცანა”, - განაცხადა ხაზარაძემ.

აღნიშნულ კომენტარს პოლიტიკური გაერთიანება „ლელოს საქართველოსთვის“ ავრცელებს.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე