კორონავირუსის გავრცელების გამო, პოლონეთში შესაძლოა, საპრეზიდენტო არჩევნები გადაიდოს. ინფორმაციას ადასტურებს ქვეყნის შინაგან საქმეთა მინისტრის მოადგილე.
„არჩევნები ორ თვეშია. ვნახოთ. მომდევნო დღეებში ვნახავთ როგორ განვითარდება მოვლენები და ამის მიხედვით ვიმოქმედებთ. ჯერ გადაწყვეტილება არ მიგვიღია, თუმცა ეს იმას არ გამორიცხავს, რომ არჩევნები არ გადაიდება“, - აცხადებს პაუელ სჟეფერნაკერი.
მისივე თქმით, ახლა არჩევნებზე აღარავინ ფიქრობს, ახლა მთავარია კორონავირუსის გავრცელება შეჩერდეს.
ცნობისთვის, ამ დროისთვის პოლონეთში კორონავირუსის 84 შემთხვევაა დაფიქსირებული.