მარინა ეზუგბაია - კორონავირუსით ინფიცირებული ხუთი ახალი პაციენტის მდგომარეობა არ არის მძიმე

კორონავირუსით ინფიცირებული ხუთი ახალი პაციენტის მდგომარეობა არ არის მძიმე, - ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ ჟურნალისტებს განუცხადა. მისივე ინფორმაციით, ორ მათგანს დაბალი ტემპერატურა უფიქსირდება, ხოლო დანარჩენ სამთან სიმპტომები მინიმალურადაა გამოხატული.

„5 ახალი პაციენტის ზოგადი მდგომარეობა არ არის მძიმე. ასაკობრივად განსხვავებული ზღვრული მონაცემებია ყველასთან. მხოლოდ 2 პაციენტთან არის ტემპერატურა 37.2. რაც შეეხება დანარჩენ პაციენტებს, მათ შემთხვევაში სიმპტომატიკა ძალიან მინიმალურად არის გამოხატული.

ეს ხუთივე პირი იმყოფებოდა თვითიზოლაციაში. ისინი დაკვირვების ქვეშ იყვნენ, რადგან კონტაქტში იყვნენ ერთ-ერთ წყაროსთან.

თვითიზოლაციაში მყოფ პაციენტებზე მუდმივი მეთვალყურეობა ხორციელდება,"- განაცხადა ეზუგბაიამ.

მისივე ინფორმაციით, დღეს ტესტირება კიდევ 22 პირს ჩაუტარდა, რომელთა პასუხებიც ეტაპობრივად გახდება ცნობილი.

ცნობისთვის, ამ დროისთვის საქართველოში კორონავირუსით ინფიცირების 30 შემთხვევაა დადასტურებული.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა