მაია ცქიტიშვილი მოსახლეობას -  ძალიან ბევრი ზეთით, მაკარონით, შაქრით, ან მარილით ხელში არ აღმოვჩნდეთ, რომელსაც რამდენიმე დღეში აღმოვაჩენთ, რომ არ გვჭირდებოდა

ჭარბი რაოდენობით გარკვეული პროდუქციის შესყიდვის არანაირი საჭიროება არ დგას. ძალიან ბევრი ზეთით, მაკარონით, შაქრით, ან მარილით ხელში არ აღმოვჩნდეთ, რომელსაც მერე, რამდენიმე დღეში აღმოვაჩენთ, რომ ჩვენ არ გვჭირდებოდა, - ამის შესახებ საქართველოს ვიცე-პრემიერმა, რეგიონალური განვითარებისა და ინფრასტრუქტურის მინისტრმა მაია ცქიტიშვილმა მთავრობის ადმინისტრაციაში გამართულ ბრიფინგზე განაცხადა.

ცქიტიშვილის განმარტებით, მნიშვნელოვანია, საზოგადოებამ იცოდეს, რომ პანიკის არავითარი საფუძველი არ არსებობს.

„ძალიან მნიშვნელოვანია ჩვენი მოქალაქეები ყველა ერთად გავერთიანდეთ ამ თვალსაზრისითაც, ჩვენი პასუხისმგებლობა, სოლიდარობა მათ შორის გამოიხატება იმაში, რომ ჩვენც არ ავყვეთ ზედმეტ ემოციებს, პანიკას, ძალიან კარგად გვქონდეს გააზრებული, რომ ყველა სახელმწიფო სტრუქტურა, ბიზნესი ძალიან მჭიდროდ და ძალიან კოორდინებულად ვმუშაობთ იმისთვის, რომ გამოვრიცხოთ ნებისმიერი სახის შეფერხება.

ამ ეტაპზე რაიმე სახის პანიკური შესყიდვის, რაიმე სახის განსაკუთრებული ქმედებების აუცილებლობა არ დგას. ყველამ უნდა ვიცოდეთ, რომ ამ პროდუქციასაც გარკვეული ვადა აქვს და მერე შეიძლება ჩვენი ოჯახები ჩვენ თვითონ მოვაკლოთ შემოსავალს და აღმოვჩნდეთ ძალიან ბევრი, ზეთით, მაკარონით, შაქრით, ან მარილით ხელში, რომელსაც მერე რამდენიმე დღეში აღმოვაჩენთ, რომ ჩვენ არ გვჭირდებოდა. რა თქმა უნდა, მთელ მსოფლიოში არაორდინალური ვითარებაა, მაგარამ ასევე თქვენ ხედავთ უკლებლივ ყველა ნაბიჯს წინასწარ რომ ვთვლით, ვახორციელებთ ბევრ პრევენციულ ღონისძიებას, აქტიურად ვმუშაობთ ყველა სექტორის წარმომადგენელთან, ეს იქნება სავაჭრო, ფარმაცევტული, სამედიცინო, თუ სხვა სექტორი, ყოველდღიურ რეჟიმში ყველა ჩვენი სამთავრობო უწყება და რა თქმა უნდა, ჩვენი ეკონომიკის სექტორის ყველა წარმომადგენელი აქტიურად მუშაობს. დიდი მადლობა მინდა გადავუხადო ყველა იმ ადამიანს, რომელიც ემსახურება ჩვენს მოქალაქეებს, ეს არის მოლარე, კონსულტანტი მაღაზიაში, გამყიდველი, თუ ნებისიერი ის ადამიანი, რომელიც დღეს საჯარო სექტორს ემსახურება. ყველა ეს ადამიანი ნამდვილად იმსახურებს ძალიან დიდ დაფასებას, მადლობას თითოეული მოქალაქის მხრიდან. მნიშვნელოვანია ერთმანეთს გავუფრთხილდეთ, დავიცვათ ყველა ის რეკომენდაცია, რასაც ჯანდაცვის სექტორი გვეუბნება და არავითარ შემთხვევაში პანიკას არ ავყვეთ“, - განაცხადა ცქიტიშვილმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე