ესპანეთის პრემიერ-მინისტრის პედრო სანჩესის მეუღლეს, ბეგონა გომეზს, კორონავირუსი დაუდგინდა, - ამის შესახებ ქვეყნის მთავრობის მიერ გავრცელებულ განცხადებაშია აღნიშნული.

„პრემიერ-მინისტრი და მისი მეუღლე თავს კარგად გრძნობენ და ლა მონკლოს რეზიდენციაში რჩებიან“, - აცხადებენ მთავრობაში.

ბოლო მონაცემებით, ესპანეთში კორონავირუსით გარდაცვლილთა რაოდნობა 191-მდე გაიზარდა. ქვეყანაში მოქალაქეებს სახლების დატოვება ეკრძალებათ გარდა იმ შემთხვევისა, როცა ისინი მედიკამენტებისა და საჭირო მარაგის საყიდლად გადიან.