კახა კალაძე - თუ დადგება საჭიროება, რომ საგანგებო მდგომარეობა გამოცხადდეს, რა თქმა უნდა, ეს გადაწყვეტილება იქნება მიღებული

თუ დადგება იმის საჭიროება, რომ გამოცხადდეს საგანგებო მდგომარეობა, რა თქმა უნდა, ეს გადაწყვეტილებაც იქნება მიღებული, - ამის შესახებ თბილისის მერმა კახა კალაძემ კორონავირუსის პრევენციაზე საუბრისას განაცხადა.

მისივე თქმით, საქართველოში უკვე გატარებულია ის ღონისძიებები, რა ღონისძიებებიც საგანგებო მდგომარეობაში მყოფმა ქვეყნებმა მიიღეს.

„იცით, რომ შექმნილია უწყებათაშორისი საბჭო, რომელსაც პრემიერ-მინისტრი ხელმძღვანელობს და გატარებული იქნა კონკრეტული ღონისძიებები. რაც შეეხება საგანგებო მდგომარეობას, თუ გადავხედავთ სხვა ქვეყნებს, სადაც შემოღებული იქნა საგანგებო მდგომარეობა შეიძლება ითქვას, რომ გატარებულია ის ღონისძიებები, რა გადაწყვეტილებებიც ჩვენ დღემდე მივიღეთ. თუ დადგება იმის საჭიროება, რომ გამოცხადდეს საგანგებო მდგომარეობა, რა თქმა უნდა, ეს გადაწყვეტილებაც იქნება მიღებული. ამაში ჩართულია სხვადასხვა უწყებები, დარგის სპეციალისტები და ჩვენ ვითვალისწინებთ იმ საერთაშორისო რჩევებს, რომელიც მსოფლიოში ვრცელდება“, - განაცხადა კახა კალაძემ.

ცნობისთვის, საქართველოში ახალი კორონავირუსით ინფიცირებულთა რიცხვი 30-ს შეადგენს.

იხილეთ ვიდეო: თუ დადგება საჭიროება, საგანგებო მდგომარეობა გამოცხადდება

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით