ევროკავშირის წევრი ქვეყნების ფინანსთა მინისტრები ორშაბათს ონლაინშეხვედრას გამართავენ და კორონავირუსით გამოწვეულ უარყოფით შედეგებს განიხილავენ, ასევე იმ სამომავლო ზომებზე იმსჯელებენ, რაც მათი ქვეყნების ეკონომიკას გამოაცოცხლებს.
როგორც ევროჯგუფის ფინანსთა მინისტრების ხელმძღვანელმა მარიო სენტენომ განაცხადა, გადაუდებელი და კოორდინირებული ძალისხმევა უპრეცედენტოდ მნიშვნელოვანია. ევროჯგუფის შეხვედრა ორშაბათს ბრიუსელში იყო დაგეგმილი, თუმცა სენტენოს ინფორმაციით, შეხვედრა ვიდეოზარის ფორმით ჩატარდება, რადგან კორონავირუსის გამო შეკრებებზე შეზღუდვებია დაწესებული.
„ევროჯგუფის შეხვედრა მნიშვნელოვანი ნაბიჯი იქნება ვირუსის წინააღმდეგ ბრძოლის საქმეში. ჩვენ ერთად დავდგებით, რომ გადავლახოთ შიში და გამოვაცოცხლოთ ეკონომიკა“, - აღნიშნა ევროჯგუფის თავმჯდომარემ, მარიო სენტენომ.