ქართული უნივერსიტეტი, რომელმაც ონლაინ სწავლების პლატფორმა უკვე სრულად აამოქმედა, BTU გახდა

სამი საბაკალავრო და ერთი სამაგისტრო პროგრამა ონლაინ რეჟიმში უკვე ამოქმედდა. ბიზნესისა და ტექნოლოგიების უნივერსიტეტმა ონლაინ სწავლების პლატფორმა 100%-ით აამუშავა. როგორც BTU-ში განმარტავენ, უნივერსიტეტის ტექნოლოგიური ბაზა მძლავრია და უახლესი მაღალტექნოლოგიური აპარატურით არის აღჭურვილი. აკადემიური და ადმინისტრაციული პერსონალის მაქსიმალური ჩართულობით და საერთაშორისო პარტნიორების მხარდაჭერით, ონლაინ სწავლებაზე გადასვლა რთული არ აღმოჩნდა. დისტანციური ლექციები და სემინარები ვებინარის ფორმატში, სალექციო ვიდეო ჩანაწერები, სრულად გაციფრულებული სასწავლო მასალა, დისტანციურად შერულებადი სასემინარო აქტივობები - BTU-ში სწავლა სრული სვლით მიმდინარეობს.

დისტანციურად სწავლების დაწყებამდე, უნივერსიტეტის ონლაინ პლატფორმა დემო რეჟიმში მუშაობდა. ჩატარდა სტუდენტების და ლექტორების ტრენინგები, გადამზადდა ადმინისტრაციული პერსონალი. „დღეიდან, ჩვენი სტუდენტები სრული დატვირთვით აგრძელებენ სწავლას. არც ერთი კურსის და არც ერთი საგნის სტუდენტს სწავლის პროცესში პრობლემა რა შეექმნება, რაც ჩვენთვის ძალიან მნიშვნელოვანია. ონლაინ სწავლების პლატფორმის დაუყოვნებლივ ამოქმედებით ჩვენ არა მხოლოდ კორონა ვირუსის გავრცელების რისკებისგან ვიზღვევთ თავს, არამედ უზრუნველვყოფთ იმასაც, რომ სასწავლო პროცესი ზაფხულის ცხელ თვეებში არ გაგრძელდეს. ეს უკანასკნელი სტუდენტებისთვის გარკვეულ პრობლემებს ქმნის, რისი თავიდან არიდებაც ჩვენ შევძელით,“ - აცხადებენ ბიზნესისა და ტექნოლოგიების უნივერსიტეტში.

ბიზნესისა და ტექნოლოგიების უნივერსიტეტში ამ დროისთვის არ იციან, თუ რა პერიოდით გაგრძელდება ონლაინ სწავლება, თუმცა უნივერსიტეტი მზადაა აღნიშნულ ფორმატში მთელი სემესტრის განმავლობაში იმუშაოას. დისტანციურ რეჟიმში მუშაობის ხანგრძლივობა ქვეყანაში განვითარებულ მოვლენებზეა დამოკიდებული.

ამ დროისთვის ონლაინ სწავლებაზე გადასვლის რეკომენდაცია საქართველოს ყველა უმაღლეს სასწავლებელს აქვს მიღებული.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო