მამუკა მდინარაძე არ გამორიცხავს, რომ კორონავირუსის გავრცელების პრევენციის გამო, საკონსტიტუციო ცვლილებების სახალხო განხილვები დისტანციური რეჟიმით წარიმართოს

საპარლამენტო უმრავლესობის ლიდერი მამუკა მდინარაძე არ გამორიცხავს, რომ ახალი კორონავირუსის გავრცელების პრევენციის გამო, საკონსტიტუციო ცვლილებების სახალხო განხილვები დისტანციური რეჟიმით წარიმართოს.

როგორც მდინარაძემ ჟურნალისტებს განუცხადა, ხელისუფლება ყველაფერს გააკეთებს იმისთვის, რომ ერთის მხრივ ქვეყნის დღის წესრიგი რაც არის, ის აღსრულდეს, მეორეს მხრივ მოქალაქეების ჯანმრთელობას არანაირი საფრთხე არ შეექმნას.

„დამერწმუნეთ, ყველაფერს გავაკეთებთ იმისათვის, რომ ვირუსთან დაკავშირებული დღევანდელი გამოწვევა არ გახდეს საკონსტიტუციო განხილვების შეფერხების მიზეზი. ამიტომ ვადებში, დაჩქარებულ რეჟიმში, რეგლამენტის მიხედვით, რაც კი შესაძლებელია ჩავატარებთ, მათ შორის, საყოველთაო სახალხო განხილვებსაც. ვეცდებით განხილვები ჩავატაროთ დისტანციური ფორმით. მოგეხსენებათ, რომ მინიმუმ ორ რეგიონში მაინც უნდა გაკეთდეს, ამიტომ ჩვენ მოვახერხებთ ისე, რომ სავარაუდოდ, ტელეხიდების ან სხვა საკომუნიკაციო წყაროების მეშვეობით საზოგადოებას მოვუყვეთ იმ ტექსტის და ცვლილების შესახებ, რაც შედის კონსტიტუციაში და ამ გზით დავაზღვიოთ, რომ არანაირი შეფერხება არ ჰქონდეს სახალხო განხილვებს. ჩვენ ამას მოვახერხებთ, არანაირი პრობლემა არ არის, ამაზე სანერვიულო არავის აქვს და ამასთან დაკავშირებით სპეკულაციების საშუალებას არავის მივცემთ“, - განაცხადა მდინარაძემ.

რაც შეეხება კითხვას, ახალი კორონავირუსის გამო, საგანგებო მდგომარეობის გამოცხადების აუცილებლობა რამდენად დგას დღის წესრიგში, მდინარაძემ აღნიშნა, რომ თუკი ხელისუფლება, მთავრობა საგანგებო მდგომარეობის გამოცხადების აუცილებლობას ნახავს, ამას არაფერი გააჩერებს, „იმიტომ, რომ ხელისუფლება მოქალაქეების ჯანმრთელობის დაცვაზეა მოწოდებული“.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით