მამუკა მდინარაძე - სავარაუდოდ, ხვალ, იურიდიული კომიტეტი ნინო ქადაგიძეს მოუსმენს - წინასწარ ვერ გეტყვით, დაუჭერს თუ არა პარლამენტი მას მხარს

საპარლამენტო უმრავლესობის ლიდერის მამუკა მდინარაძის განცხადებით, უზენაესი სასამართლოს თავმჯდომარის კანდიდატს ნინო ქადაგიძეს იურიდიულ საკითხთა კომიტეტი, სავარაუდოდ, 17 მარტს მოუსმენს. მისი განმარტებით, პარლამეტში შესაბამისი მსჯელობის შემდეგ გახდება ცნობილი, დაუჭერენ თუ არა ნინო ქადაგიძის კანდიდატურას მხარს იმისათვის, რომ ის საქართველოს უზენაესი სასამართლოს თავმჯდომარე გახდეს.

"დღეს შეიქმნება იურიდიულ საკითხთა კომიტეტში სამუშაო ჯგუფი, როგორც ეს პროცედურით არის გათვალისწინებული. სავარაუდოდ, ხვალ მოუსმენს კომიტეტი ნინო ქადაგიძეს და ამის შედგეგ მიიღებს კომიტეტი გადაწყვეტილებას, ხოლო სხდომაზე განხილვის შემდეგ მიიღებს გადაწყვეტილებას პარლამენტი. ჩვენ ადრე მოვუსმინეთ ნინო ქადაგიძეს და პარლამენტმა ჩათვალა, რომ ის აბსოლუტურად მისაღები კანდიდატურა იყო უზენაესი სასამართლოს მოსამართლეობისთვის. თუმცა, ახლა, ახალი გადაწყვეტილებაა მისაღები, პარლამენტი რამდენად ჩათვლის, რომ ის იმსახურებს საქართველოს უზენაესი სასამართლოს თავმჯდომარეობას. წინასწარ ამაზე მე მგონი, საუბარი არ შეიძლება. ჩვენს გუნდში ამასთან დაკავშირებით ზოგადად მსჯელობა, რა თქმა უნდა, გვქონდა, მაგრამ როდესაც იურიდიული კომიტეტი, კიდევ ერთხელ, დეტალურად მოუსმენს, ამის შემდეგ გვექნება კიდევ ერთი მსჯელობა და წინასწარ ვერ გეტყვით დაუჭერს თუ არა მხარს პარლამენტი",- განაცხადა მდინარაძემ.

ცნობისთვის, უზენაესი სასამართლოს თავმჯდომარეობისთვის ნინო ქადაგიძის კანდიდატურა საქართველოს პარლამენტს იუსტიციის უმაღლესმა საბჭომ წარუდგინა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება