გია ჟორჟოლიანი - ჩვენ უნდა ვებრძოლოთ არა მხოლოდ კორონავირუსს, არამედ სუსტ და უპასუხისმგებლო ნეოლიბერალური სახელმწიფოს ვირუსსაც

ჩვენ უნდა ვებრძოლოთ არა მხოლოდ კორონავირუსს, არამედ სუსტ და უპასუხისმგებლო ნეოლიბერალური სახელმწიფოს ვირუსსაც! - ამის შესახებ სოციალ-დემოკრატების ლიდერმა გია ჟორჟოლიანმა პარლამენტში გამართულ ბრიფინგზე განაცხადა. ჟორჟოლიანი მიიჩნევს, რომ საჭიროა სახელმწიფომ პასუხისმგებლობა აიღოს ეკონომიკაზე, ჯანდაცვაზე, სოციალურ დაცვაზე, განათლებაზე და არ დატოვოს ეს სფეროები ბაზარზე დამოკიდებული .

"განსაკუთრებული მადლობა მთლიან სამედიცინო კორპუსს, რომელიც ეფექტურად ახდენს ვირუსთან ბრძოლის კოორდინირებას და მოქალაქეების ინფორმირებას. არა მხოლოდ ეპიდემოლოგიური ვითარება, არამედ ეკონომიკური სტაბილიზაციაც დღეს დამოკიდებულია უპირველეს ყოვლისა ჯანდაცვის საჯარო სამსახურზე, რომელსაც უნდა მიეცეს ფართო, განსაკუთრებული უფლებები. მთავრობამ უნდა გააკეთოს ის, რასაც იტყვის ამირან გამყრელიძე, პაატა იმნაძე და თენგიზ ცერცვაძე. დღეს ეს არის ყველაზე მნიშვნელოვანი. აუცილებელია პირდაპირი კომუნიკაცია და მოქმედება შესაბამისი სამთავრობო დაწესებულებებისა და არა პოლიტიკოსების და მედიის. მხოლოდ ეს უზრუნველყოფს დაბალ რისკიან ქცევას და დაგვიცავს პანიკისგან. აშკარაა, რომ ეპიდემოლოგიურის გარდა სამთავრობო ღონისძიებები შეიძლება მოიცავდეს სასიცოცხლოდ აუცილებელი საჭიროებების დაკმაყოფილების უზრუნველყოფას ყველასთვის, განსაკუთრებით მძიმე სოციალურ პირობებში მყოფი და დაბალშემოსავლიანი ადამიანებისთვის: აუცილებელი სურსათის და მედიკამენტების სრული ხელმისაწვდომობა (კრიზისული შტაბის შექმნა, ტალონების სისტემა ან სხვა) არსებულმა, მდგომარეობამ კიდევ ერთხელ ცხადყო, რომ საჭიროა სახელმწიფოს როლის დაბრუნება! საჭიროა არა ინდივიდუალიზმზე, არამედ სოლიდარობაზე დაფუძნებული საზოგადოეობის შენება. საჭიროა ნდობის აღდენა მოქალაქეებს და სახელმწიფოს შორის, რაც შეუძლებელია სრულფასოვნად მოხდეს ნეოლიბერალურ მცირე სახელმწიფოში, ისეთ სახელმწიფოში, როგორიც ჩვენია. საჭიროა სახელმწიფომ პასუხისმგებლობა აიღოს ეკონომიკაზე, ჯანდაცვაზე, სოციალურ დაცვაზე, განათლებაზე და არ დატოვოს ეს სფეროები თავისუფალ ბაზარს მინდობილი. ამას ელოდება მოქალაქეთა 95%. ჩვენ უნდა ვებრძოლოთ არა მხოლოდ კორონავირუსს, არამედ სუსტ და უპასუხისმგებლო ნეოლიბერალური სახელმწიფოს ვირუსსაც!"- განაცხადა ჟორჟოლიანმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო