გზების დეპარტამენტმა სატენდერო პროექტების შესახებ ინფორმაცია წინასწარ გამოაქვეყნა

საქართველოს საავტომობილო გზების დეპარტამენტმა, სახელმწიფო ბიუჯეტით დაფინანსებული 29 პროექტი წინასწარ, ტენდერის გამოცხადებამდე ელექტრონულად გამოაქვეყნა.

აღნიშნულის შესახებ „ინტერპრესნიუსს“ საავტომობილო გზების დეპარტამენტიდან აცნობეს. როგორც მათ ინფორმაციაშია აღნიშნული, ტენდერები მარტისა და აპრილის თვეებში ეტაპობრივად გამოცხადდება. კომპანიებს საშუალება ექნებათ, წინასწარ გაეცნონ პროექტების შესახებ დეტალურ ინფორმაციას და სატენდერო პირობებს, რათა უკეთ შეძლონ მომზადება ტენდერში მონაწილეობის მისაღებად.

„საავტომობილო გზების დეპარტამენტი მესამე წელია, „ღია კარის დღეს“ ატარებს და კონტრაქტორებს წინასწარ აცნობს მიმდინარე წელს გამოსაცხადებელ სატენდერო პროექტებს, რამაც ტენდერებში მეტი კომპანიების მონაწილეობა და შესაბამისად მეტი კონკურენცია უზრუნველყო.

კორონავირუსული ინფექციის პრევენციის მიზნით, კორონავირუსთან დაკავშირებით, პრემიერ-მინისტრის ხელმძღვანელობით მოქმედი უწყებათაშორისი საბჭოს დავალებისა და ჯანდაცვის სამინისტროს რეკომენდაციების შესაბამისად, დეპარტამენტი კონტრაქტორებთან „ღია კარის დღეს“ აღარ ჩაატარებს და ყველა საჭირო ინფორმაციას ელექტრონულად განათავსებს დეპარატმენტის ვებგვერდზე, დამატებითი ინფორმაციისთვის შეგიძლიათ მოგვწეროთ დეპარატამენტის ელექტრონულ ფოსტაზე: info@georoad.ge.

საავტომობილო გზების დეპარტამენტის მიზანია სატენდერო პროცედურები უფრო მეტად გამჭვირავლე და ეფექტიანი გახდეს, დაინტერესებულ კომპანიებს საშუალება ჰქონდეთ ტენდერის გამოცხადებამდე გაეცნონ პროექტებს, რაც მათ საშუალებას მისცემს უფრო უკეთ მოემზადონ და გარემოც მეტად კონკურენტუნარიანი გახდეს. უზრუნველყოფილი იქნება ღია გაჭვირვალე და თანაბარი პირობები ყველა ორგანიზაციისთვის.

დეპარტამენტი, კონტრაქტორ ორგანიზაციებს და დაინტერესებული ჯგუფებს, წინასწარ მიაწვდის ინფორმაციას ყველა ინოვაციისა და დაგეგმილი ცვლილების შესახებ“, - ნათქვამია ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა