დავით ბაქრაძე - პრეზიდენტს აქვს შესაძლებლობა შეამციროს პოლარიზებაც, პოლიტიკური დაძაბულობაც და მოახდინოს გიგი უგულავას შეწყალება

უგულავას გათავისუფლება ჩვენი პოლიტიკური ვითარების ნორმალიზაციისთვის უაღრესად მნიშვნელოვანი საკითხია და მოვუწოდებ საქართველოს პრეზიდენტს, გამოიყენოს მისი, როგორც პრეზიდენტის უფლებამოსილება, - ამის შესახებ „ევროპული საქართველოს“ ლიდერმა დავით ბაქრაძემ დღეს გამართულ ბრიფინგზე განაცხადა.

ბაქრაძის თქმით, პრეზიდენტს აქვს შესაძლებლობა მისი კონსტიტუციური უფლებამოსილების გამოყენებით შეამციროს პოლარიზებაც, პოლიტიკური დაძაბულობაც და ჩვენი უცხოელი მეგობრების თვალში მოხსნას მძიმე ფაქტორიც საქართველოსთან მიმართებაში.

„საზოგადოებამ ნახა, რომ გიგი უგულავ აყოველგვარი შიშისა და ყოყმანის გარეშე ძალიან ღირსეულად წავიდა ციხეში და მას არ შეშინებია დაპატიმრების. უგულავას პატიმრობა და მისი გათავისუფლება არის საკვანძო საკითხი პოლიტიკური ვითარების ნორმალიზაციაში. ამას ადასტურებს 8 მარტის შეთანხმებაც. ამას ადასტურებს სენატორების -რიშის და შაჰინის წერილიც. ამას ადასტურებს ევროპარლამენტარების ბოლოს გამოგზავნილი წერილი. ამიტომ უგულავას გათავისუფლება ეს არის ჩვენი პოლიტიკური ვითარების ნორმალიზაციისთვის უაღრესად მნიშვნელოვანი თემა და მოვუწოდებ საქართველოს პრეზიდენტს, გამოიყენოს მისი, როგორც პრეზიდენტის უფლებამოსილება. მას არაერთგზის აქვს გაცხადებული,რომ მისი სურვილია შემცირდეს პოლარიზაცია და საქართველოში მოხდეს პოლიტიკური ვითარების განმუხტვა და ნორმალიზება. ახლა მას აქვს შესაძლებლობა მისი კონსტიტუციური უფლებამოსილების გამოყენებით შეამციროს პოლარიზებაც, შეამციროს პოლიტიკური დაძაბულობაც. მოხსნას ჩვენი უცხოელი მეგობრების თვალში ძალიან მძიმე ფაქტორიც საქართველოსთან მიმართებაში და ეს ყველაფერი მოახდინოს გიგი უგულავას შეწყალების გზით“,-განაცხადა დავით ბაქრაძემ.

ცნობისთვის, „ევროპული საქართველოს“ ერთ-ერთმა ლიდერმა, მსჯავრდებულმა გიგი უგულავამ საქართველოს პრეზიდენტს გათავისუფლების შუამდგომლობით 13 მარტს მიმართა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“