მამუკა ხაზარაძე - მიზანშეწონილად მიგვაჩნია, ქვეყანა მოემზადოს საგანგებო მდგომარეობაზე გადასასვლელად

პოლიტიკური გაერთიანება „ლელო საქართველოსთვის’’ ლიდერს მამუკა ხაზარაძეს კორონავირუსთან დაკავშირებით არსებული ვითარების გამო, მიზანშეწონილად მიაჩნია, ქვეყანა საგანგებო მდგომარეობაზე გადასასვლელად მოემზადოს. როგორც მან დღეს გამართულ ბრიფინგზე განაცხადა, „ლელო საქართველოსთვის“ ხელისუფლებასა და ოპოზიციას მოუწოდებს, ანტიკრიზისული ინტერპარტიული საბჭო შეიქმნას.

„ჩვენს ქვეყანაში შექმნილი ვითარებიდან გამომდინარე, პოლიტიკური გაერთიანება „ლელო საქართველოსთვის“ აცხადებს, რომ საჭიროა კომპლექსური და სწრაფი ზომების მიღება კრიზისის სამართავად და დასაძლევად. ზემოთაღნიშნულიდან გამომდინარე, კიდევ ერთხელ მოვუწოდებთ ყველა პოლიტიკურ პარტიას, ხელისუფლებასა და ოპოზიციას, რომ შეიქმნას ანტიკრიზისული ინტერპარტიული საბჭო, რომელიც უზრუნველყოფს ყველა არსებული გამოცდილების, ენერგიის, იდეის შეჯერებას და განხორციელებას. ჩვენი ეროვნული უსაფრთხოების ინტერესებიდან გამომდინარე, მიზანშეწონილად მიგვაჩნია, ქვეყანა მოემზადოს საგანგებო მდგომარეობაზე გადასასვლელად. ინტერპარტიული, ანტიკრიზისული საბჭოს არსებობა ამ მოცემულობაში უზრუნველყოფს ყველა პოლიტიკური ძალის კონსოლიდაციას და კრიზისის ერთობლივად, ეფექტიანად და დემოკრატიულად გადალახვას. მთავარ ამოცანად მიგვაჩნია ინტერპარტიული საბჭოს მხრიდან სახელმწიფო ინსტიტუტების მხარდაჭერა მედიკოსების, პოლიციელების, მესაზღვრეების, ჟურნალისტების და ყველა იმ ადამიანის, ვინც პანდემიასთან ბრძოლაში წინა ხაზზე დგას. ერთ-ერთ უპირველეს ამოცანად მიგვაჩნია ჩვენი ემიგრანტების უსაფრთხოების უზრუნველყოფა და სამშობლოში დაბრუნება. ამავე დროს, საჭიროა ქმედითი ნაბიჯების გადადგმა ოკუპირებულ ტერიტორიებზე მცხოვრები ადამიანების უსაფრთხოების უზრუნველსაყოფად. დღეს შექმნილი მდგომარეობიდან გამომდინარე, თითოეული ჩვენთაგანის მოქალაქეობრივი ვალია, გვერდზე გადავდოთ პოლიტიკური განსხვავებები, გადავდგათ ნაბიჯი ერთობისკენ და გამოვიყვანოთ ქვეყანა ამ შექმნილი მდგომარეობიდან“,-განაცხადა ხაზარაძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა