რუსეთის საკონსტიტუციო სასამართლომ კანონიერად მიიჩნია საკონსტიტუციო ცვლილება, რომელიც საპრეზიდენტო ვადების განულებას ეხება. საპრეზიდენტო ვადების განულების შესახებ საკონსტიტუციო ცვლილება გასულ კვირაში რუსეთის სახელმწიფო დუმამ მესამე მოსმენით დაამტკიცა.

აღნიშნული საკონსტიტუციო ცვლილება რუსეთის პრეზიდენტ ვლადიმერ პუტინს საშუალებას მისცემს, 2024 წლის საპრეზიდენტო არჩევნებში კვლავ მიიღოს მონაწილეობა.

პროცედურულად, დოკუმენტი ხელმოსაწერად პრეზიდენტს გადაეგზავნება და ის განხილვას აღარ ექვემდებარება. 22 აპრილს რუსეთში რეფერენდუმია დაგეგმილი, სადაც მოსახლეობამ უნდა გადაწყვიტოს, მხარს უჭერს თუ არა ყველა საკონსტიტუციო ცვლილებას.