თბილისში, ორხევის დასახლებაში მუსიკალური სკოლა გაქურდეს. როგორც “ინტერპრესნიუსს” შინაგან საქმეთა სამინისტროში განუცხადეს, მომხდარზე გამოძიება საქართველოს სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.

უწყების ცნობით, სავარაუდო ჩამდენის დასადგენად საგამოძიებო მოქმედებები მიმდინარეობს. როგორც “ინტერპრესნიუსისთვის” გახდა ცნობილი, მომხდარის შედეგად პრინტერის აპარატია წაღებული.