გაერო-ს თანამშრომელი კორონავირუსით დაინფიცირდა. თუმცა, ის შენობაში კოლეგებს არ დაკონტაქტებია. ამის შესახებ გაერო-ს გენერალური მდივნის ოფიციალურმა წარმომადგენელმა სტეფან დიუჟარიკმა ბრიფინგზე განაცხადა.

„თანამშრომელი, რომელსაც დაავადება დაუდასტურდა, თავს კარგად გრძნობს. ის გაერო-ს თანამშრომელთაგან არავის დაკონტაქტებია მას შემდეგ, რაც სიმპტომები გამოუვლინდა“ , - განაცხადა დიუჟარიკმა.

მისი თქმით, ნიუ-იორკში გაერო-ს თანამშრომელთა რაიმე სახის დაავადებები გავლენას არ იქონიებს ორგანიზაციის მუშაობაზე, ვინაიდან, დაავადების გავრცელების რისკების წინააღმდეგ ძლიერ ზომებს იღებენ.