მოსამართლის გარე ზეგავლენის დაცვის აუცილებლობაზე უკვე აღარავინ კამათობს, მაგრამ ხაზგასმით უნდა აღვნიშნო შიდა ზეწოლების გამორიცხვის აუცილებლობა, - ამის შესახებ უზენაესი სასამართლოს თავმჯდომარეობის კანდიდატმა ნინო ქადაგიძემ იურიდიულ საკითხთა კომიტეტის სხდომაზე განაცხადა.
ქადაგიძემ სიტყვით გამოსვლისას სასამართლო სისტემისა და მოსამართლეების დამოუკიდებლობის უზრუნველყოფის აუცილებლობაზე ისაუბრა.
„მოსამართლე დაცული უნდა იყოს არამხოლოდ გარე ზეგავლენისგან, არამედ სასამართლოს შიგნით არსებული შესაძლო ზემოქმედებისგან. გარე ზეგავლენის დაცვის აუცილებლობაზე უკვე აღარავინ კამათობს, მაგრამ შიდა ზეწოლების გამორიცხვის აუცილებლობა ხაზგასმით უნდა აღვნიშნო. მოსამართლე უნდა იყოს თავისუფალი ნებისმიერი მითითებისა თუ ზეწოლისგან და ეს პირველ რიგში, უნდა გამოირიცხოს თავმჯდომარის მხრიდან. თავმჯდომარე უნდა იყოს იმის გარანტი, რომ მოსამართლე დაცული იქნება ნებისმიერი გარე თუ შიდა ზეწოლისგან,“ - განაცხადა ქადაგიძემ.