„თიბისი კაპიტალის" კვლევის თანახმად, ახალი კორონავირუსის გამო 2020 წელს ტურისტული შემოსავლების 25%-იანი კლებაა ნავარაუდევი

თიბისი კაპიტალის" კვლევის თანახმად, ახალი კორონავირუსის გამო 2020 წელს ტურისტული შემოსავლების 25%-იანი კლებაა ნავარაუდევი.

„თიბისი კაპიტალმა" ეკონომიკურ გარემოზე COVID-19-ის გავლენები შეაფასა და რეპორტი გამოაქვეყნა. ანალიტიკური დოკუმენტის წარდგენა „თიბისის“ პარტნიორებისთვის ციფრული პლატფორმის მეშვეობით, ონლაინ კონფერენციაზე განხორციელდა, რომელშიც სხვადასხვა ბიზნესის 250-მდე წარმომადგენელი ჩაერთო.

დოკუმენტის თანახმად, ამ ეტაპზე, COVID-19-ის გავრცელება ეკონომიკის თითქმის ყველა სექტორს შეეხო, თუმცა განსაკუთრებით ტურიზმის, სარესტორნე, ავიაციის, ხანგრძლივი მოხმარების საქონლისა და უძრავი ქონების სექტორებზე აისახება.

„თიბისი“ კაპიტალის შეფასებით, ტურისტული შემოდინების კლება თვეების ჭრილში აპრილსა და მაისში მიაღწევს მაქსიმუმს. საბაზო სცენარის მიხედვით, ვითარების ეტაპობრივი ნორმალიზება მეორე კვარტლის ბოლოდან დაიწყება, ხოლო წლის ბოლოსთვის ზრდა განახლდება. ჯამურად, 2020 წელს ტურისტული შემოსავლების 25%-იანი კლებაა ნავარაუდევი.

„მიმდინარე გამოწვევების პერიოდში, „თიბისის“ გუნდი ჩვენს პარტნიორებს აქტიური დიალოგის რეჟიმში ვემუშავებით სირთულეების ერთიანი ძალისხმევით გადასალახად. ბიზნესსექტორების მონაწილეებს პროაქტიულად ვთავაზობთ და ვახდენთ სესხის მომსახურების შეღავათიან სტრუქტურის მორგებას. თიბისის ყველა მიმართულება შეთანხმებული სამოქმედო გეგმით ვხელმძღვანელობთ, რათა სამუშაო პროცესის უწყვეტობა და ოპერაციების სრულყოფილად, ამასთან მაქსიმალურად დისტანციურად შესრულება უზრუნველვყოთ. დღეს გაზიარებული ანალიზი და მიგნებები დამატებითი ძლიერი ინსტრუმენტია კომპანიებისათვის არსებული მდგომარეობის კარგად შესაფასებლად, რაც ვფიქრობთ მათ მომდევნო თვეების ეფექტურად დაგეგმვაში დაეხმარება. სიტუაციის ცვალებადობიდან გამომდინარე მსგავს ანალიზს რეგულარული ხასიათი ექნება და ჩვენს განახლებულ რეპორტს საზოგადოებას მომდევნო 2-3 კვირის განმავლობაში შევთავაზებთ.“ განაცხადა „თიბისის“ გენერალური დირექტორის მოადგილემ, გიორგი თხელიძემ.

თიბისი კაპიტალის მომზადებული ანალიზი შეგიძლიათ იხილოთ ვებ-გვერდზე: https://www.tbcresearch.ge/en/Category/Macro-Reports

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება