მარინა ეზუგბაიას ინფორმაციით, კორონავირუსით ინფიცირებულ ე.წ. ნომერ მესამე პაციენტზე განმეორებით ჩატარებული ტესტის პასუხები ჯერ კიდევ მოწმდება

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებულ ე.წ. ნომერ მესამე პაციენტზე განმეორებით ჩატარებული ტესტის პასუხები ჯერ კიდევ მოწმდება.

მისი თქმით, აღნიშნული პაციენტი კლინიკას მანამდე ვერ დატოვებს, ვიდრე საკარანტინო პერიოდი არ გავა.

„განმეორებითი ტესტის შემთხვევას რაც შეეხება, ტესტი ჯერ კიდევ მოწმდება. ამ ეტაპზე პაციენტი ჯერ არ დატოვებს კლინიკას იქიდან გამომდინარე, რომ მისთვის საკარანტინო ვადა არ არის გასული. ეს ვადა გაიზარდა, დაავადების პროგრესირების ყველაზე მსუბუქ შემთხვევაზე ადრე იყო 14 დღე და ახლა გაიზარდა 20 დღემდე. აქედან გამომდინარე, ამ პაციენტისთის ჯერ ეს ვადა არ არის გასული. ეს პაციენტი ჯერჯერობით ჩვენთან დაკვირვებას გააგრძელებს და როდესაც გვექნება საბოლოო პასუხი, გავწერთ ბინაზე“, - განაცხადა ეზუგბაიამ.

შეგახსენებთ, რომ საქართველოში ამ დროისთვის კორონავირუსი ჯამში 34 ადამიანს დაუდგინდა, საიდანაც ერთი უკვე გამოჯანმრთელდა.

შეგახსენებთ იმასაც, რომ ე.წ. ნომერ მესამე პაციენტი საქართველოს მოქალაქეა, რომელიც ქვეყანაში ირანიდან შემოვიდა. აღნიშნული პაციენტი ირანში ე.წ. ნომერ პირველ დაინფიცირებულ პაციენტთან ერთად მოგზაურობდა, რომელიც თავის მხრივ უკვე გამოჯანმრთელდა და ინფექციური საავადმყოფო გუშინ დატოვა.

ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ქართული პრესის მიმოხილვა 19.10.2020
ლევან ბოძაშვილი - კავკასიური კვანძი იხსნება და არა საქართველოს სასარგებლოდ, ჩვენთვის ახლა აუცილებლობას წარმოადგენს სრული პოლიტიკური და ინსტიტუციონალური სტაბილურობა