ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით დაინფიცირებული პირველი პაციენტი, რომელიც სრულად გამოჯანმრთელდა და კლინიკიდან გუშინ გაეწერა, ერთკვირიან თვითიზოლციის პერიოდს გაივლის.
მისი თქმით, აღნიშნული პერიოდის განმავლობაში მას საზოგადოებრივი ჯანდაცვის სამსახურის ეპიდემიოლოგი დააკვირდება.
„გუშინ რომ გაეწერა პაციენტი, მასთან გასული იყო ჩვენთან ყოფნის სამკვირიანი პერიოდი. პასუხიც ორჯერ უარყოფითი იყო, მაგრამ ასეთი გადაწყვეტილება მივიღეთ, რომ ერთი კვირა თვითიზოლაციაში უნდა იყოს. მას დააკვირდება საზოგადოებრივი ჯანდაცვის სამსახურის ეპიდემიოლოგი და ერთკვირიანი შეფასებითი შედეგის შემდეგ გადაწყდება მისი თავისუფალი გადაადგილების საკითხი“, - განაცხადა ეზუგბაიამ.
შეგახსენებთ, დროისთვის კორონავირუსი ჯამში 34 ადამიანს დაუდგინდა, საიდანაც ერთი უკვე გამოჯანმრთელდა.
შეგახსენებთ იმასაც, რომ საქართველოში კორონავირუსით დაინფიცირებული პირველი პაციენტი სრულად გამოჯანმრთელდა და ინფექციური საავადმყოფო გუშინ დატოვა.