საერთაშორისო სავაჭრო პალატა მთავრობას ეკონომიკის სტიმულირების გეგმაში შესწორებებს სთავაზობს

საერთაშორისო სავაჭრო პალატა მთავრობას ეკონომიკის სტიმულირების გეგმაში შესწორებებს სთავაზობს.

როგორც „ინტერპრესნიუსს“ სავაჭრო პალატიდან აცნობეს, ICC-Georgia მიესალმება მთავრობის დროულ, პროფესიონალურ და ეფექტიან მუშაობას როგორც კოვიდ-19 გავრცელების თავიდან ასარიდებლად, ასევე დეტალურად შემუშავებული ეკონომიკის სტიმულირების პაკეტის წარდგენას, რათა დაეხმაროს პანდემიისგან გამოწვეული მიზეზებით დაზარალებულ ბიზნესს რთული პერიოდის გადალახვაში.

„კოვიდ-19 (COVID-19) პანდემია სერიოზულ გავლენას მოახდენს ზოგადად საქართველოს ეკონომიკაზე, განსაკუთრებით ეს ტურიზმის სექტორს შეეხება.

ICC-Georgia მიესალმება მთავრობის დროულ, პროფესიონალურ და ეფექტიან მუშაობას როგორც კოვიდ-19 გავრცელების თავიდან ასარიდებლად, ასევე დეტალურად შემუშავებული ეკონომიკის სტიმულირების პაკეტის წარდგენას, რათა დაეხმაროს პანდემიისგან გამოწვეული მიზეზებით დაზარალებულ ბიზნესს რთული პერიოდის გადალახვაში.

სტიმულირების გეგმის ერთ-ერთი კომპონენტია მთავრობის მიერ დაახლოებით 2000 სასტუმროს ექვსი თვის საბანკო პროცენტის სუბსიდირება.

მიუხედავად იმისა, რომ საქართველოში ყველა სასტუმრო თანაბრად განიცდის ეკონომიკურ ვარდნას, ზოგიერთ სასტუმროს არ გააჩნია საბანკო ვალდებულებები, რაც ცალსახად გულისხმობს იმას, რომ ეს კონკრეტული ბენეფიტები ამ სასტუმროებს არ შეეხება.

იმისათვის რომ ყველა თანაბარი პირობებით სარგებლობდეს, ICC-Georgia თვლის, რომ სასტუმროებს უნდა მიეცეთ არჩევანის უფლება თავად გადაწყვიტონ მთავრობის მიერ 6 თვის საბანკო პროცენტის სუბსიდირება სურთ თუ სამი თვის კომუნალური გადასახადების დაფარვა. მთავრობის მხრიდან ეს ნაბიჯი იქნებოდა თანაბარი საბრძოლო პირობების შექმნა საქართველოში ოპერირებადი ყველა სასტუმროსთვის.

მთავრობას შეუძლია მარტივად დააკომპენსიროს კომუნალური გადასახადები, ელექტროენერგიისა და ბუნებრივი გაზის მიმწორებელი კომპანიებისთვის ამ თანხის საგადასახადო ვალდებულებებიდან გაქვითვით.

საერთაშორისო სავაჭრო პალატა იმედს იტოვებს, რომ საქართველოს მთავრობა დათანხმდება ამ შეთავაზებას, რომელიც ერთნაირად დაეხმარება ყველას სასტუმროს.

საერთაშორისო სავაჭრო პალატის ეროვნული კომიტეტი საქართველოში არის ყველაზე დიდი და ყველაზე ვოკალური გლობალური ბიზნეს ორგანიზაცია ქვეყანაში; იგი მოიცავს 350 კორპორატიულ და ახალგაზრდულ წევრებს და 28 ბიზნეს ასოციაციას. საერთაშორისო სავაჭრო პალატა არის მსოფლიოში ყველაზე მსხვილი ბიზნეს ორგანიზაცია, რომელიც მოიცავს 6.5 მილიონზე მეტ ბიზნესსა და სავაჭრო პალატას. ICC გლობალურ დონეზე რეგულარულად თანამშრომლობს ისეთ ინსტიტუტებთან, როგორიცაა G8, G20, მსოფლიო ბანკი, WTO, WCO და გაერო”, - ნათქვამია ინფორმაციაში.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა