პაკისტანის პრემიერი - მე სიღარიბე და შიმშილი მაშფოთებს - მდიდარმა ქვეყნებმა განვითარებად ქვეყნებს ვალები უნდა ჩამოაწეროს

პაკისტანის პრემიერ-მინისტრის თქმით, ის შიშობს, რომ ახალი კორონავირუსის გავრცელებამ შესაძლოა განვითარებადი ქვეყნების ეკონომიკა გაანადგუროს. ის მდიდარ ქვეყნებს მოუწოდებს ჩამოაწეროს ვალები უფრო ნაკლებად განვითარებულ სახელმწიფოებს.

„მე სიღარიბე და შიმშილი მაშფოთებს. მსოფლიო საზოგადოებამ უნდა იფიქროს, რომ ისეთ ქვეყნებს, როგორიც მაგალითად, ჩვენ ვართ, ვალები ჩამოეწეროს. ეს სულ მცირე დაგვეხმარება იმაში, რომ კორონავირუსს გავუმკლავდეთ“,-აღნიშნა იმრან ხანმა „ესოშიეითედ პრესთან“ საუბრისას.

მისივე თქმით, პაკისტანში თუ სერიოზული გავრცელება მოხდება, ამან შეიძლება ეკონომიკური უკუსვლა გამოიწვიოს, რომლის დროსაც სახელმწიფო ვალი უდიდესი ტვირთი იქნება.

„ეს მხოლოდ პაკისტანს არ ეხება. იგივეს ვიტყოდი ინდოეთზე, აფრიკულ ქვეყნებზე. თუ ის გავრცელდება, ჩვენ ყველას პრობლემა გვექნება ჯანდაცვის მომსახურებაზე. ჩვენ უბრალოდ ამის შესაძლებლობა არ გვაქვს. ჩვენ ამის რესურსები არ გვაქვს“,-აღნიშნა პრემიერმა.

ცნობისთვის, პაკისტანში ამ დროის მონაცემებით, კორონავირუსის 184 შემთხვევაა დაფიქსირებული.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით