ეკატერინე მიქაბაძე - „ეკონომიკური თავისუფლების ინდექსში“ საქართველოს პოზიციის გაუმჯობესების ტენდენცია წელსაც გაგრძელდა

საქართველოს ეკონომიკა კვლავ აგრძელებს თავის შთამბეჭდავ 7- წლიან ზრდას თავისუფლების სხვადასხვა მიმართულებებით. Heritage Foundation „ეკონომიკური თავისუფლების ინდექსი“ 2020 წლის კვლევაში, რომლის მიხედვით, საქართველოს სარეიტინგო ქულამ ისტორიული მაქსიმუმი 77.1 ქულა შეადგინა, მსოფლიო რეიტინგში 4 პოზიციით დაწინაურდა და მე-12 პოზიცია დაიკავა. ამის შესახებ „ინტერპრსნიუსს“ ეკონომიკის სამინისტროდან აცნობეს.

ეკონომიკისა და მდგრადი განვითარების მინისტრის პირველი მოადგილის ეკატერინე მიქაბაძის განცხადებით, წინა წელთან შედარებით საქართველო ევროპის რეგიონში 2 პოზიციით დაწინაურდა - ამ შედეგით საქართველო ევროპის რეგიონის 45 ქვეყანას შორის მე-6 ადგილზეა „უმეტესად თავისუფალი“ სტატუსით. საქართველოს საერთო ქულა აღემატება როგორც რეგიონის (69.8 ქულა), ისე მსოფლიოს საშუალო ქულას (61.6 ქულა).

„მნიშვნელოვანია, რომ ინდექსში საქართველოს პოზიციის გაუმჯობესების ტენდენცია წელსაც გაგრძელდა. კვლევაში ცალსახადაა აღნიშნული, რომ საქართველოს მთავრობამ ბოლო წლების განმავლობაში არაერთი რეფორმა გაატარა, რომელმაც ხელი შეუწყო ეკონომიკური თავისუფლების მიმართულებით არაერთი ასპექტის გაუმჯობესებას, იქნება ეს კორუფციის აღმოფხვრა, რეგულაციებისა თუ საგადასახადო სისტემის სიმარტივე. ასევე აღნიშნულია, რომ ბოლო წლებში საქართველოს ეკონომიკა მდგრადი ტემპით იზრდება, რაც ძალიან კარგი გზავნილია საერთაშორისო დონორებისა და ინვესტორებისთვის, რომლებიც საქართველოსთან თანამშრომლობენ ან ამას სამომავლოდ გეგმავენ,“ - განაცხადა ეკატერინე მიქაბაძემ.

ცნობისთვის, რეიტინგის 12 კომპონენტიდან საქართველომ მდგომარეობა გაიუმჯობესა 5 ისეთი მნიშვნელოვანი მიმართულებებით, როგორიცაა: საკუთრების უფლება (68.6 ქულა), მთავრობის სამართლიანობა (64.8 ქულა), სასამართლოს ეფექტიანობა (57.9 ქულა), მონეტარული თავისუფლება (78.3 ქულა) და ფისკალური თავისუფლება (94.4 ქულა). 2020 წელს საკუთრების უფლების ინდიკატორში საქართველომ უპრეცენდენტო აღიარება მოიპოვა და ქვეყნის შეფასებამ 68.6 ქულა შეადგინა. 2012 წელს ქვეყანას აღნიშნულ ინდიკატორში მხოლოდ 40.0 ქულა ჰქონდა. მთავრობის სამართლიანობის კომპონენტში საქართველოს შეფასება 6.3. ქულით გაუმჯობესდა და 64.8 ქულა შეადგინა.

აღნიშნულ ინფორმაციას ეკონომიკის სამინისტრო ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება