არჩილ თალაკვაძე - მინდა, ჩვენს მოქალაქეებს ვთხოვო, ერთად შევინარჩუნოთ ის ვითარება, რაც ახლა გვაქვს, ბევრმა ქვეყანამ ეს ვერ მოახერხა, საქართველომ კი შეძლო

მინდა, ჩვენს მოქალაქეებს ვთხოვო, ერთად შევინარჩუნოთ ის ვითარება, რომელიც ახლა გვაქვს, - ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხადა. მან პრემიერ-მინისტრს, საკოორდინაციო საბჭოს და ჯანდაცვის სფეროში მომუშავეებს მათ მიერ გაწეული საქმიანობისთვის მადლობა გადაუხადა.

„ვიდრე მოხდება მედიკამენტის შემუშავება და მისი ფართო მოხმარებაში ჩაშვება, ან ვაქცინის შემუშავება, ან ეპიდემიის პიკის გადავლა, ის, რასაც ჩვენი ქვეყანა და ჩვენი სამსახურები აკეთებენ, ძალიან შედეგიანი და მისასალმებელია. მინდა, ჩვენს მოქალაქეებს ვთხოვო, ერთად შევინარჩუნოთ ის ვითარება, რომელიც ახლა გვაქვს. ბევრმა ქვეყანამ ეს ვერ მოახერხა, საქართველომ კი შეძლო. ეს ძალიან დასაფასებელია. მინდა, მადლობა გადავუხადო ქვეყნის პრემიერ-მინისტრს, საკოორდინაციო საბჭოს ყველა წევრს და ჯანდაცვის თუ სხვა მოკავშირე სფეროში მომუშავე ყველა ადამიანს, რომლებიც დღეს წინა ხაზზე დგანან და ამ რისკებს უშუალოდ იგერიებენ,“- განაცხადა არჩილ თალაკვაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით