საპარლამენტო უმრავლესობის ლიდერის მამუკა მდინარაძის განცხადებით, პარლამენტი ყველა საკითხს, რომელიც გადასაწყვეტია, დაჩქარებული წესით ან დაჩქარებულ ტემპში განიხილავს და გამონაკლისი ამ მხრივ არც საკონსტოტუციო ცვლილებებთან დაკავშირებული პროცესი და არც უზენაესი სასამართლოს მოსამართლეობის კანდიდატის საკითხია.

“ჩვენ არა მხოლოდ უზენაესი სასამართლოს თავმჯდომარის საკითხს, არამედ ყველა საკითხს, რაც არის გადასაწყვეტი, ასე ვუდგებით, დაჩქარებულ ტემპში, ზოგჯერ დაჩქარებული წესით, რეგლამენტის გათვალისწინებით, რომ სახელმწიფოს ნებისმიერი უწყების, ინსტიტუტის ფუნქციონირება არ შენელდეს, სადმე არ მოხდეს რაიმე კოლაფსის მაგვარიც კი. ჩვენ უნდა ვიყოთ ადეკვატურები და გადაწყვეტილებები მივიღოთ სწრაფად. ასევე ვიქცევით ჩვენ კონსტიტუციასთან მიმართებით, როცა ერთი თვის გასაკეთებელს გავაკეთებთ სულ რამდენიმე დღეში და ერთ კვირაში გვექნება ის სამუშაო ჩატარებული, რასაც სხვა შემთხვევაში ვატარებდით ხოლმე ერთი თვის განმავლობაში, რადგან ამის საშუალებას რეგლამენტი იძლევა. ასეთი მიდგომა იქნება ყველა საკითხთან დაკავშირებით, არა მხოლოდ უზენაესი სასამართლოს თავმჯდომარეობის კანდიდატთან დაკავშირებით,"- განაცხადა მდიმარაძემ.