„აჭარა ტექსტილი" საქართველოში პირბადეების წარმოებას იწყებს

სამკერვალო ფაბრიკა „აჭარა ტექსტილის" ფინანსური დირექტორი გია ლომინაძე აცხადებს, რომ „აჭარა ტექსტილი" საქართველოში პირბადეების წარმოებას იწყებს.

როგორც მან „ინტერპრესნიუსთან" საუბრისას აღნიშნა, კომპანია მზადაა 500 000 პირბადე სახელმწიფოს უსასყიდლოდ გადასცეს, წარმოება კი ეკონომიკის სამინისტროსთან ნიმუშების შეთანხმების შემდეგ დაიწყება.

„გუშინ გვქონდა შეხვედრა ეკონომიკის მინისტრთან და შევჯერდით გარკვეულ ნედლეულზე, რისგანაც პირბადე უნდა ვაწარმოოთ. როგორც ვიცით, ეს ნედლეული შემოწმებულია ლუგარის ლაბორატორიაში და მათ რეკომენდაცია გაუწიეს მარლისგან პირბადეების დამზადებას. ეკონომიკის სამინისტრომ მოიძია ნედეული საქართველოში და მიმდინარეობს უცხოეთშიც ნედლეულის მოძიება. ჩვენ სამინისტროს შევთავაზეთ 500 000 პირბადის უსასყიდლოდ დამზადება, ჩვენი სოციალური პასუხისმგებლობიდან გამომდინარე. როგორც კი საბოლოო ნიმუშებზე შევჯერდებით, მეორე დღესვე შეგვიძლია დავიწყოთ წარმოება",-აღნიშნა გია ლომინაძემ.

მისივე თქმით, სახელმწიფო კოორდინირებას უწევს პროცესს, ინვესტიციას კი თავად კომპანია ახორციელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა